rKTs

e-texts navigator

Volume

Page

254a₁ khye'u 'di'i ma sngon rang bzhin 'jam zhing des pa ma yin pa las/ bu 'di mngal du chags nas lhag par 'jam des so/ /gzhan gyi yon tan dang / legs pa brjod par dga'i nyes pa brjod par mi dga' la/ nyon mongs pas phongs pa la byams shing
254a₂ brtse bar gyur to/ /mtshan mkhan gyis smras pa/ 'di bu'i yon tan yin no/ /bu'i ming mi gdung ba zhes btags so/ /de nas gsos bskyed de cher skyes nas/ stobs kyang gyad stobs po che'i tshad du phyin te/ gcig pus mi stong thub pa nam mkha' la bya
254a₃ 'phur ba yang mchongs pas zin te/ mgyogs khyad kyang rta dang bang mnyam pas/ bu de la lhag par sdug cing byams par gyur to/ /de'i tshe na yul de na bram ze mkhas pa'i rig pa dang ldan pa mang du thos pa/ gtsug lag la mkhas pa zhig yod de/ bram ze de
254a₄ la slob ma lnga brgya tsam rtag tu rjes su slob bo/ /de'i tshe na blon po de dag kyang bu khrid de/ bram ze la gtad nas slob tu bcug go/ /khye'u mi gdung ba slob pa la 'grus pas nyi ma gcig bslabs na/ gzhan lor bslab pa bas mkhas te/ ring po ma lon par
254a₅ thams cad khong du chud cing rtogs par gyur to/ /slob dpon bram ze des kyang de la lhag par yid rton te/ rtag tu 'grogs shing lhan cig tu 'dug pas slob ma gzhan dag kyang de la bsti stang byed do/ /de'i tshe slob dpon bram ze de'i chung mas khye'u de'i byad gzugs bzang
254a₆ zhing legs pa dang / slob pa la yang gzhan bas lhag par mkhas par mthong nas de la chags te/ yid la bzung yang slob ma rnams dang mi bral te nyin mtshan 'grogs pas gtam bya ba'i skabs med de/ bsam pa ltar ma gyur bas rtag tu yid la gcags par gyur to/ /
254a₇ dus phyi zhig na sbyin bdag cig gis slob dpon de dang / slob mar bcas su zla ba gsum gyi bar du 'tsho ba sbyar nas mgron du gnyer to/ /de'i tshe na slob dpon bram ze chung ma dang gnyis 'di skad ces bgros so/ /kho bo ni slob ma dang bcas su sbyin bdag gis zla ba gsum

_{iiif viewer powered by OpenSeadragon}

253b - 254b

Texts on this page