rKTs

e-texts navigator

Volume

Page

252a₁ so/ /thugs brtse ba'i slad du spyan gyi sbyin pa gtang ba mdzad pa'i thugs slar bzlog tu gsol/ rgyal tshab tshul khrims bzang pos kyang 'di skad ces gsol to/ /rgyal po yab kyi sbyin par bdag gi mig stsal du gsol/ bdag gum pa ni tshod mchis kyi yab
252a₂ spyan mi mnga' bar gyur na/ 'dzam bu'i gling gi mi thams cad mgon ma mchis te/ dpung gnyen med par 'gyur ro zhes gsol pa dang / rgyal pos rgyal phran dang / blon po dang / btsun mo dang / rgyal bu rnams la 'di skad ces bsgo'o/ /nga ni skye ba yun ring por
252a₃ lus 'dis skye ba ci yang myong ste/ rus pa spungs pa ni ri rab bas mtho/ /khrag bsags na rgya mtsho bzhi bas mang / ma'i nu zho 'thungs pa yang chu bo bzhi bas che ste/ 'dod pa dang bye bral nas ngus pa'i mchi ma yang rgya mtsho dang mnyam mo/ /sems can dmyal bar yang
252a₄ bsregs pa dang / btsos pa dang / mig phyung ba'i grangs kyang shin tu mang / kyi khams su lus rnam pa sna tshogs myong ste/ lus la me 'bar ba nas lus dang / mig bcas su tshig pa grangs med/ dud 'gro'i skye gnas su skyes pa ni gcig la gcig gsod
252a₅ cing 'chi bas lus grangs med pa zhig chud zos/ mi'i nang du skyes pa na shi ma ran par shi ba'i grangs ni mang / tshe'i mthar thug pa'i grangs ni nyung ste/ 'dod pa la chags pas gcig la gcig gsod cing gnod par byed do/ /der yang lus dang mig grangs med pa zhig chud gsan
252a₆ na/ gal te lhar skyes na yang ring por mi thub ste/ mdor na khams gsum gyi rgyud drug tu 'dod chags dang / zhe sdang dang / gti mug gi rdul phra mo snyed kyi lus chud zos na lan 'ga' yang sbyin pa ma byas te/ sangs rgyas kyi byang chub btsal ma myong / shin tu btsog
252a₇ cing mnam pa'i mig 'di de'u re rul cing 'jig pas/ da sbyin pa bya ba'i rigs kyi mi sbyin pa'i mi rigs te/ sha'i mig 'di byin la sangs rgyas kyi rnam pa thams cad mkhyen pa nyid kyi spyan thob par bya'o/ /nam nga'i smon lam 'di grub na/ khyod la yang rnam par dag pa'i

_{iiif viewer powered by OpenSeadragon}

251b - 252b

Texts on this page