| e-texts navigator |
| བོད་ཡིག |
249b1 ldan 'das 'gro ba mang po'i don mdzad pa mdongs pa thams cad la thugs rje'i nang na/ bram ze dmus long 'di la lhag par thugs rje che'o/ /bram ze mdongs pa gcig sha'i mig kyang thob la shes rab kyi mig kyang thob par gyur to/ /bcom ldan 'das kyis
249b2 kun dga' bo la bka' stsal pa/ bram ze long ba 'di la dus 'di 'ba' zhig tu mig byin par ma zad do/ /'das pa'i dus na yang mig byin no/ /kun dga' bos gsol pa/ bcom ldan 'das 'das pa'i dus na ci lta bu'i mig stsal ba legs par bstan
249b3 du gsol/ bcom ldan 'das kyis bka' stsal pa/ sngon 'das pa'i bskal pa tshad med grangs med bsam gyis mi khyab pa'i pha rol na/ 'dzam bu'i gling 'dir yul pu ka la da zhes bya ba na/ rgyal po mig 'byed ces bya ba zhig yod de/ rgyal po de
249b4 brag dang / rtsig pa la yang thogs pa med par dpag tshad bzhi bcu tshun chad mthong bas mig 'byed ces bya bar btags te/ 'dzam bu'i gling gi rgyal phran brgyad khri bzhi stong kun la dbang byed do/ /rgyal po de la btsun mo dang / pho brang gi slas nyi khri yod de/
249b5 rgyal bu lnga brgya snyed yod do/ /rgyal tshab ni tshul khrims bzang po zhes bya ste/ rgyal po de tshul bzhin du rgyal po byed pas/ sems can thams cad la bu gcig pa dang 'dra bar sems te/ rlung dang char las dus mi yol bas lo tog legs te thams cad bde skyid
249b6 do/ /de nas rgyal po de dben pa zhig na 'di snyam du sems par gyur to/ /bdag tshe snga ma'i bsod nams kyis mi'i rgyal por gyur te/ nor bu rin po che dang longs spyod chen po dang ldan zhing thams cad kyi ngag mnyan na/ ci ltar rtswa 'jam po rlung gis btab na phyogs
249b7 gcig tu nyal ba bzhin no/ /tshe 'di la yang phyi ma'i 'bras bu ma bskyed na/ sdug bsngal bar 'gyur te/ dper na zhing pa thams cad dag dpyid mang du rmos na/ ston mang du bsdur yod pas/ bdag kyang tshe 'dir dpyid sa bon ma btab na/ tshe phyi mar ston
iiif viewer powered by OpenSeadragon
Texts on this page
D341 - mdzangs blun zhes bya ba'i mdo