| e-texts navigator |
| བོད་ཡིག |
248a1 khyi de gdugs tshod kyi dus su drang srong de dag gi drung du song nas/ skad chen po phyung ste zug pa dang / drang srong de dag kyang khyi zug pa thos nas/ gdugs tshod la bab par shes te/ bsod snyoms la gshegs so/ /phyi zhig na drang srong de dag bsod
248a2 snyoms kyi bya ba byas nas khyim bdag la 'di skad ces smras so/ /khyim bdag da ni char 'ong gis zhing pa dag zhing gi las byed du chug shig ces bsgo ba dang / khyim bdag gis kyang zhing pa rnams zhing gi las byed du bcug ste/ nas dang / gro dang / 'bru mang po rmos
248a3 so/ /de nas phyi zhig na 'bru rmos pa'i rnam pa thams cad ku bar skyes nas khyim bdag ya mtshan du gyur te/ drang srong rnams la 'di dag don med par mi 'gyur ram zhes smras pa dang / drang srong gis smras pa/ don med par mi 'gyur gyis dus su char chu 'bab
248a4 pa la sogs te/ las byos shig ces smras so/ /phyis ring po ma lon par ku ba kun cher skyes nas bkas te bltas nas/ ci dang ci rmos pa bzhin du de dang / de dag ku ba'i nang kun gang bar skyes te/ khyim bdag rab tu dga' mgu rangs nas bang ba kun
248a5 gang bar gyur to/ /las byed pa'i mi lnga brgya po yang de lta bu dag mthong nas/ 'gyod pa'i sems skyes nas/ bdag cag gis ni tshig ngan pas 'phags pa la smad do zhes 'gyod tshangs byas te/ so so nas bdag cag kyang ma 'ongs pa'i dus na 'phags pa dang
248a6 phrad nas/ rnam par grol bar gyur cig ces smon lam btab bo/ /sprang po lnga brgya po 'dis tshig ngan smras pas skye ba lnga brgya'i bar du rtag tu sprang por gyur to/ /'gyod tshangs byas te smon lam btab pas/ nga dang phrad de 'khor ba'i mthar phyin to/ /rgyal bu
248a7 'di ltar rig par bya'o/ /de'i tshe de'i dus na khyim bdag phyug po sdums byed de ni nga yin no/ /bang mdzod srung ba de ni rgyal bu rgyal byed yin no/ /nyin gcig bzhin du spyan 'dren mi de ni rgyal po u dra ya na yin no/ /de'i tshe na khyi de ni khyim bdag skad snyan yin te/ /
iiif viewer powered by OpenSeadragon
Texts on this page
D341 - mdzangs blun zhes bya ba'i mdo