| e-texts navigator |
| བོད་ཡིག |
246a1 mar gyur pa de ni da ltar skye dgu'i bdag mo yin no/ /rgyal bu sdig don ni da lta lha sbyin yin no/ /'dzam bu'i gling gi mi la nga'i drin gyis khyab pa ni nga thog mar sangs rgyas pa na/ lha'i sras po brgyad khri 'ongs pa dang / nga'i nye gnas lung bstan pa
246a2 rnams yin no/ /kun dga' bo de'i tshe de'i dus na de ltar nga la gnod pa chen po byas kyang de la snying brtse ba'i sems bskyed na/ da mngon par sangs rgyas nas nyon mongs pa'i sgrib pa ni zad/ thugs rje chen pos rgyas par khyab pas na/ gnod pa cung zad byas
246a3 pa la thugs brtse ba lta ci smos/ bcom ldan 'das kyis de skad ces gsungs nas/ 'khor mang po la la ni rgyun du zhugs pa dang / phyir mi ldog pa dang dgra bcom pa thob bo/ /kha cig ni rang sangs rgyas su gyur/ kha cig ni bla na med pa'i byang chub tu sems bskyed do/ /
246a4 de skad ces gsungs pa la thams cad rjes su yi rangs te mngon par dga'o/ /rgyal bu dge don gyi le'u ste sum cu gsum pa'o// //'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi
246a5 tshal mgon med zas sbyin gyi kun dga' ra ba na/ dge slong gi dge 'dun chen po brgya phrag phyed dang bcu gsum dang thabs cig tu bzhugs so/ /de'i tshe na yul de na sprang po lnga brgya zhig rtag tu sangs rgyas dang dge 'dun la brten te 'tsho'o/ /phyis nas sprang po de dag 'di
246a6 snyam du bsams so/ /da bdag cag sangs rgyas kyi bstan pa la rab tu byung ngo snyam nas/ sangs rgyas gang na ba der lhags te/ bcom ldan 'das la 'di skad ces gsol to/ /bdag cag ni sangs rgyas dang dge 'dun gyi thugs rjes 'tsho bar gyur te/
246a7 bdag cag rab tu byung ngo zhes gsol pa dang / de la bcom ldan 'das kyis 'di skad ces bka' stsal to/ /ngas bstan pa'i chos ni rnam par dag pa ste/ btsan nyan dang phyug dbul med de/ dper na chu dang 'dra bas na/ btsan nyan dang phyug dbul bzang
iiif viewer powered by OpenSeadragon
Texts on this page
D341 - mdzangs blun zhes bya ba'i mdo