| e-texts navigator |
| བོད་ཡིག |
243b1 'chag cing song song ba las rgyal bu dge don 'dug pa dang phrad nas rgyal bu dge don skra ni 'dzings/ gdong ni mchi mas gang / gos ni ngan pa gon cing shing drung na 'dug pa mthong nas/ bu mo de de la chags nas phan tshun gar yang ma song bas/ de'i drung na 'dug cing
243b2 gtam byas so/ /dro la bab nas rgyal pos bu mo bos na/ bdag gi 'tshal ma 'dir skyol cig /phar mi mchi'o de nas rgyal pos yang zan bskyal ba dang / bu mos rgyal bu la bdag cag gnyis lhan cig zan za'o zhes byas pa dang / rgyal bus bdag long
243b3 ba sprang po lags pas/ rgyal po'i sras mo dang lhan cig tu 'tshal ma 'tshal du mi rung ngo / /gal te rgyal pos gsan na bdag la gyod mchis pas mi rung ngo / /zhes smras so/ /bu mos smras pa/ khyod bdag dang zan lhan cig mi za na/ bdag kyang zan
243b4 mi za'o/ /zhes lan du ma'i bar du smras pa dang / de nas lhan cig zos te/ gtam legs par byas nas de la bu mo chags te/ gzhan du 'gror ma btub bo/ /de nas nyi ma nub tu nye bar rgyal pos bu mo phyir shog shig ces sbran pa dang / bu mos phyir 'di
243b5 skad ces gsol to/ /bdag ni skyed mos tshal srung ba 'di'i chung mar dga' bas gzhan su'i yang mi 'tshal lo/ /yab rgyal pos bdag gi bsam pa 'di las mi bsgyur du gsol/ zhes spring ba dang / rgyal pos de skad ces spring ba thos nas/ bu mo'i ngo ma zlogs
243b6 te/ 'di ni ngo mtshar ya mtshan che'o/ /bu mo 'di rgyal po rin po che go cha'i mna' mar bslangs te/ rgyal bu rgya mtsho nas ma 'khor bar sprang po 'di lta bu zhig gi chung mar dga' ba 'di ni nga'i rigs sun te/ nga'i mgo yang 'deg tu med pa 'di ngo mtshar che zhes yang
243b7 'bod du btang ba las bu mo'i tshig snga ma las ma gyur te 'gro ru ma btub bo/ /de nas rgyal pos bu mo la byams pas ngo ma zlogs nas/ gnyi ga bsus te pho brang nang du khrid nas khyo shug tu bsdus so/ /de nas zhag du ma zhig lon pa dang / bu mo nyin par rtag tu song
iiif viewer powered by OpenSeadragon
Texts on this page
D341 - mdzangs blun zhes bya ba'i mdo