| e-texts navigator |
| བོད་ཡིག |
242a1 pa dang sgo yang rang bye ba dang / lha mo lnga brgya so so nas 'ong 'ong nas rin po che thogs te 'bul bar byed do/ /nang gi lha mo snga ma gcig gis lag pa na nor bu rin po che sngon po zhig thogs te/ smras pa bzhin blangs nas gos kyi tha mar phur te/ de ma thag
242a2 tu phyir log go/ /rgyal bu dang bral ba'i 'og tu rgyal bu sdig don gyis tshong pa rnams la rin po che mang du long shig ces byas pas tshong pa rnams kyis mang du blangs pas rin po che pas gru yang bar 'ga' ni nub/ bar 'ga' ni byung nas/ rgyal bu dge don 'ba'
242a3 zhig ni yid bzhin gyi nor bu rin po che yod pas chur ma nub bo/ /rgyal bu sdig don skrag nas dge don la yang skyobs shig ces smras pa dang / sdig don khrid de rgya mtsho brgal to/ /de nas skam sar phyin pa dang / sdig don gyis phu bo la 'di skad ces smras so/ bdag
242a4 cag spun gnyis pha ma dang bral te/ rgya mtshor rin po che len du song ba las ma stes te/ rin po che dang bral nas lag pa stong par khyim du 'gro ba ni ngo tsha'o/ /rgyal bu dge don rang bzhin gyis drang bas/ nu bo la bdag gis rin po che thob na ci'i phyir ngo tsha zhes smras
242a5 so/ /rin po che ci lta bu zhig rnyed pa bdag la bstan du gsol zhes smras pa dang / phu bos rin po che bkrol te nu bo la bstan to/ /nu bos rin po che mthong nas 'di snyam du bsams so/ /bdag gi pha ma yang bur 'dra ba las phu bo la byams te/ bdag la mi byams pa'i steng du
242a6 bdag gnyis 'grogs te/ rin po che len du song ba las/ phu bos rin po che rnyed kyis/ bdag ni ci yang ma rnyed pas da khyim du 'ongs na bdag la pha mas de bas kyang mi byams par 'gyur gyis/ bdag gis phu bo gnyid log pa'i tshe bsad la/ nor bu rin po che
242a7 khyer la 'gro'o/ /gal te pha mas dris na phu bo ni rgya mtsho'i nang du nub bo/ /zhes bya snyam bsams nas/ phu bo la 'di skad ces smras so/ /bdag cag spun gnyis rin po che thogs te/ gnyi ga cig car nyal ba'i mi rigs kyis/ res kyis nyal la mel
iiif viewer powered by OpenSeadragon
Texts on this page
D341 - mdzangs blun zhes bya ba'i mdo