| e-texts navigator |
| བོད་ཡིག |
240a1 zhing cher rmos na nor dbyig mang du 'gyur zhes zer ro/ /kha cig ni rkang 'gros spel te/ spogs byas na nor mang du rnyed zer ro/ /kha cig ni lam ring por tshong spogs byas na nor mang du rnyed ces zer ro/ /kha cig ni rgya mtshor zhugs te/ nor bu rin po che
240a2 blangs na rin po che mang du 'gyur ro zhes zer ro/ /dge don gyis de dag smras pa thos nas zhing rmo ba dang / rkang 'gros spel ba dang / lam ring por tshong pa la 'gro ba ni nga'i cha ma yin no/ /rgya mtshor 'jug pa 'ba' zhig nga'i cha yin no zhes smras nas/ rgya mtshor
240a3 'jug go/ /zhes bsams te/ pha ma la 'di skad ces smras so/ /bdag ni rgya mtsho nas rin po che mang po blangs te/ dbul phongs pa la sbyin pa yid bzhin du bya'o/ /bdag rgya mtshor rin po che len du 'gro bar gnong shig ces smras so/ /de'i pha mas de skad
240a4 ces smras pa thos nas 'khams te bu la 'di skad ces smras so/ /'jig rten na dbul phongs pa dag blo med de/ lus dang / srog dang bsdos nas/ 'gro bar byed do/ /khyod cis phongs na/ de lta bu'i sems khyod sbyin par 'dod na/ khyim na yod pa'i nor
240a5 thams cad sbyin par byos shig / rgya mtshor ni 'gro mi rung ste/ rgya mtsho'i nang na chu rlabs dang / dba'i glong 'khyil ba dang / chu srin dang / klu gdug pa dang / srin mo dang / ri chu'i mdog can la sogs te shin tu ya nga ba'i bgegs mang du yod pas thar dka'
240a6 na/ khyod cis phongs shing srog dang sdo bar byed/ 'di la ni nyan pa med kyis ma sems par 'dug cig ces bsgo'o/ /dge don gyis de skad ces bsgo ba thos nas/ bsam pa bzhin du ma grub pas yi dam bcas te/ bsam pa 'di ma grub kyi bar du/ pha
240a7 ma'i mdun du sa la kha sbub tu nyal te/ mi ldang ngo snyam bsams nas/ yab dang yum gyis mkhyen par mdzod cig /bdag ni bsam pa bzhin du ma grub kyi bar du/ kha sbub tu nyal ba 'di las mi ldang ngo zhes smras so/ /de nas pha ma mi dga' ste/
iiif viewer powered by OpenSeadragon
Texts on this page
D341 - mdzangs blun zhes bya ba'i mdo