rKTs

e-texts navigator

Volume

Page

237a₁ bcad pa dang / gos rnam pa sna tshogs byung ngo / /de nas yang yal ga gcig bcad pa dang nor bu rin po che sna tshogs byung ste/ khal thams cad longs so/ /de nas nyes tshol la sogs pa thams cad kyang der lhags te/ snga ma'i yal ga bcad pa las rin po
237a₂ che sna tshogs khal longs pa mthong nas/ 'di snyam du bsams so/ /snga ma 'di dag gis yal ga las kyang rin po che chog par rnyed na/ shing 'di'i rtsa ba phyung na ni nor bu rin po che sna tshogs mang du rnyed do/ /snyam bsams nas/ shing gi rtsa ba brko bar gzas so/ /
237a₃ de nas legs tshol mi dga' ste smras pa/ bdag cag ni phongs te srog dang bral ba las shing 'dis bdag cag gi srog gsos kyis khyod shing 'di ma gcod ces smras na nyes tshol ma nyan te shing rtsa ba bcad do/ /de nas legs tshol kyang mthong mi 'dod par khal dang bcas pa song ba'i 'og
237a₄ tu shing gi rtsa ba nas srin po lnga brgya byung ste/ nyes tshol dang tshong pa kun zos so/ /kun dga' bo de'i tshe de'i dus na legs tshol de ni da ltar nga yin no/ /de'i pha de ni da ltar nga'i yab zas gtsang ma yin no/ /de'i ma de ni da ltar nga'i yum lha mdzes ma yin no/ /nyes tshol de ni da ltar lha
237a₅ sbyin yin no/ /kun dga' bo lha sbyin gyis da ltar 'ba' zhig nga la gnod pa byed par ma zad kyis rnyed pa dang grags pa'i phyir skye ba thams cad du nga la gnod pa byas na/ ngas phan pa'i chos bstan te phan par byas kyang / lha sbyin ni nga la dgrar 'dzin to/ /bcom ldan 'das kyis
237a₆ de skad ces gsungs nas/ 'khor mang po rnams rjes su yi rangs nas mngon par dga'o/ /legs tshol dang nyes tshol gnyis kyi le'u ste sum cu gnyis pa'o// //'di skad bdag gis thos pa'i dus gcig na/ bcom ldan 'das rgyal po'i khab bya rgod
237a₇ spungs pa'i ri la dge slong gi dge 'dun chen po dang thabs cig tu bzhugs so/ /de'i tshe na tshe dang ldan pa kun dga' bos lha sbyin gyis thabs rnam pa sna tshogs kyis de bzhin gshegs pa la gnod par bya bar bsams kyang / de bzhin gshegs pas ni lha sbyin dang sgra gcan zin

_{iiif viewer powered by OpenSeadragon}

236b - 237b

Texts on this page