| e-texts navigator |
| བོད་ཡིག |
236a1 lha mdzes yin no/ /rgyal bu lnga brgya de ni shAkya'i rigs lnga brgya yin no/ /de'i dus na yang thams cad kyi gtso bo mchog tu gyur te/ da sangs rgyas nas kyang mtshan dang ldan pa'i mchog gtso bor gyur to/ /'khor mang po rnams sangs rgyas kyis gsungs pa la rjes su
236a2 yi rangs nas mngon par dga'o/ /rgyal po me long gdong gi le'u ste sum cu gcig pa'o// //bam po dgu pa/ 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun
236a3 dga' ra ba na bzhugs so/ /de'i tshe na lha sbyin rab tu byung mod kyis rnyed pa la chags pas mtshams med pa'i las kyis ri bsnyil nas sangs rgyas mnan pa dang / zhabs la shing gi tshal ba 'dzugs pa dang / glang po che smyon pa btang ba dang / 'thun pa'i dge 'dun gyi dbyen byed
236a4 pa dang / zag pa zad pa'i dge slong ma bsad pa dang / mi dge ba'i las 'di dag byas nas/ skye ba phyi ma la rnam par smin pas 'jigs te/ mu stegs pa'i ston pa drug gi thad du song nas dris so/ /ston pa drug gis kyang ngan par lta ba'i chos sdig pa byas kyang sdig par mi
236a5 'gyur la dge ba byas kyang bsod nams su mi 'gyur ba'i chos bstan nas/ de la yid ches te/ dge ba'i rtsa ba bcad do/ /de'i tshe na kun dga' bos phu nu bo la snying brtse ba'i phyir rab tu mi dga' ste/ ngus nas bcom ldan 'das la 'di skad ces gsol to/ /lha sbyin gti
236a6 mug can ni mi dge ba'i las kha na ma tho ba bgyis te/ dge ba'i rtsa ba bcad nas shAkya'i rigs rnams kyang sun 'byin no/ /bcom ldan 'das kyis kun dga' bo la bka' stsal pa/ lha sbyin 'di ni tshe 'di 'ba' zhig la rnyed pa dang grags pa'i phyir dge ba'i rtsa ba bcad par ma zad kyi/
236a7 'das pa'i dus na yang rnyed pa dang grags pa'i phyir lus dang srog kyang stong pa'i las byas so/ /de la dge slong dag the tshom du gyur nas/ kun dga' bos bcom ldan 'das la 'di skad ces gsol to/ /lha sbyin gyis 'das pa'i dus na yang rnyed pa dang grags pa'i slad du lus
iiif viewer powered by OpenSeadragon
Texts on this page
D341 - mdzangs blun zhes bya ba'i mdo