rKTs

e-texts navigator

Volume

Page

235b₁ 'khor te/ mi ngal mi dub bo/ /nor bu rin po che ni 'od zer nyin mtshan du gsal te/ rgyang grags brgya nyi shu tshun cad 'od kyis snang bar byed la/ rin po che sna bdun char bzhin du 'bebs shing thams cad la sbyin par byed do/ /bud med rin po che ni bzang ba/ mdzes pa/
235b₂ rgyal po'i yid tshim par byed do/ /khyim bdag rin po che ni rgyal po'i rin po che sna bdun ci dgos pa yid bzhin du sbyar te/ zad mi shes par byed do/ /blon po rin po che ni rgyal pos dpung rnam bzhi bgos na/ bltas pa tsam gyis dpung gi tshogs 'dus te rtsal dang mthur
235b₃ ldan no/ /de ltar rin po che sna bdun dang ldan nas de 'di snyam bsams so/ /thabs 'di lta bu thob pa yang sngon gyi bsod nams las skyes kyis rgyal po'i gdung rgyud mi chad par bya'o snyam bsams nas/ spos chus khrus byas te gos gsar pa gtsang ma bgos nas lag
235b₄ na pog phor thogs te/ shar phyogs logs su pus mo sa la btsugs nas 'di skad ces smras so/ /shar phyogs na skyes bu 'phags pa bzhugs pa rnams bdag gsol ba bzhin du gshegs su gsol zhes smras pa dang / shar phyogs nas rang sangs rgyas nyi khri snyed rgyal
235b₅ po'i pho brang du gshegs so/ /lho dang nub dang byang phyogs su yang de bzhin du gsol pa dang / de dag kyang so so nas rang sangs rgyas nyi khri snyed rgyal po'i pho brang du gshegs so/ /de nas rgyal po dang / blon po rnams kyis yo byad rnam bzhi sbyar te mchod pa byas so/ /de nas
235b₆ rgyal phran brgyad khri bzhi stong snyed phyir yul du 'gro bar gsol te/ mchi phyag 'tshal ba na rgyal phran rnams kyis 'phags pa rnams la shas kyis/ bdag cag kyang mchod pa 'tshal te bsod nams bgyi'o zhes gsol pa dang / rgyal po dang blon po rnams kyis lo brgyad khri bzhi
235b₇ stong gi bar du rang sangs rgyas bzhi khri la yid bzhin du mchod nas/ tshe'i dus byas pa dang / mtho ris kyi lhar skyes so/ /dge slong dag de'i tshe na rgyal po me long gdong de ni da ltar nga yin no/ /rgyal po de'i pha de ni nga'i yab zas gtsang ma yin no/ /btsun mo de ni nga'i yum

_{iiif viewer powered by OpenSeadragon}

235a - 236a

Texts on this page