rKTs

e-texts navigator

Volume

Page

234a₁ dga' bo yin no/ /rgya mtsho'i lha de ni ma 'gags pa yin no/ /kun dga' bo 'di klu'i rgyal po byed pa na yang nga la bsnyen bkur byas te/ dus la mkhas pa da ltar gyi bar du yang dus la mkhas kyis/ 'dod pa gsum yang yid bzhin du gnang ngo / /zhes bka' stsal pa
234a₂ dang / kun dga' bo dga' mgu rangs nas/ pus mo'i lha nga sa la btsugs te/ bdag gis nam 'tsho'i bar du de bzhin gshegs pa la bsnyen bkur bgyi'o zhes gsol lo/ /bcom ldan 'das kyis de skad ces bka' stsal pa dang / 'khor mang po rnams la la ni rgyun du
234a₃ zhugs pa'i 'bras bu thob pa nas/ dgra bcom pa'i bar du thob bo/ /la la ni rang sangs rgyas su gyur to/ /la la ni bla na med pa'i byang chub tu sems bskyed do/ /la la ni phyir mi ldog pa'i sa thob nas/ rjes su yi rangs nas mngon par dga'o/ /sbyin pa chen po rgya
234a₄ mtshor zhugs pa'i le'u ste sum cu pa'o/ / //'di skad bdag gis thos pa'i dus gcig na/ bcom ldan 'das rgyal po'i khab n+ya gro d+ha'i tshal na bzhugs so/ /de'i tshe na bcom ldan 'das tshangs pa dang brgya byin la sogs pas bskor cing bzhugs pa las/
234a₅ bcom ldan 'das kyi mtshan dang dpe byad dang gser gyi mdog lta bu'i sku la 'khor mang po thams cad ngo mtshar du 'dzin te/ bstod cing bsngags so/ /de ltar bcom ldan 'das 'khor kun las 'phags te/ thams cad kyi mchog gtso bor gyur pas/ dge slong dag the
234a₆ tsom du gyur nas/ bcom ldan 'das la zhus pa dang / bcom ldan 'das kyis bka' stsal pa/ da ltar 'ba' zhig tu 'khor kun las 'phags te/ mchog gtsor gyur pa ma yin no/ /sngon 'das pa'i dus na yang 'di dag kun las 'phags te gtso bor gyur to/ /de nas
234a₇ dge slong dag gis sngon ci ltar gtso bor gyur pa bstan par gsol pa dang / de la bcom ldan 'das kyis 'di skad ces bka' stsal to/ /sngon 'das pa'i dus na bskal pa grangs med dpag tu med bsam gyis mi khyab pa'i pha rol na/ 'dzam bu'i gling 'dir rgyal po chen po

_{iiif viewer powered by OpenSeadragon}

233b - 234b

Texts on this page