rKTs

e-texts navigator

Volume

Page

233b₁ rin po che yin te/ mi na so so nas ci dang ci dgos pa tha dad pa de dag thams cad yid bzhin du char ltar phob shig /ces smras ma thag tu phyogs bzhi nas rlung nag po g.yos nas/ de ma thag tu mi gtsang ba'i nyal nyil thams cad phyags te/ char zim bu mi drag pa zhig bab nas/
233b₂ rdul mi 'thul bar byas pa'i 'og tu thog mar bza' ba dang / btung ba ro brgya dang ldan pa rnam pa sna tshogs char bzhin du bab bo/ /de nas 'bru rnams char bzhin du bab bo/ /de nas gos char bzhin du bab bo/ /de nas rin po che char bzhin du bab ste/ /'dzam bu'i gling na nor bu
233b₃ rin po che'i phung pos yongs su gang nas/ rin po che dag gseg ma dang gyo mo lta bur byas so/ /byang chub sems dpas de ltar kun chog par byas nas/ 'dzam bu'i gling gi mi rnams la 'di skad ces bsgo'o/ /'dzam bu'i gling gi sems can dag ni gos dang / zas dang
233b₄ nor gyi phyir gcig gis gcig gsod cing rnam pa sna tshogs kyis gtse bas sdig pa mi dge ba'i las 'ba' zhig byed de/ tshe'i dus byas nas ngan song gsum du lhung ste/ mun pa nas mun par 'gro ste/ bdag ni de dag la snying brtse ba'i phyir rgya mtsho'i bgegs dang / nyon mongs
233b₅ pa mang po khyad du bsad de/ khyed rnams bde bar bya ba'i phyir rgya mtsho nas nor bu rin po che dag blangs nas/ da khyed kun cis kyang mi brel te bde bar gyur gyis/ khyed rnams dge ba bcu'i las kyi lam la lus dang ngag dang yid bsdus te/ brtson par gyis shig ces thabs
233b₆ rnam pa sna tshogs kyi sgo nas bstan cing bskul lo/ /de ltar bstan cing bskul nas/ dge ba bcu'i las kyi lam la nan tan byed du bcug pas/ 'dzam bu'i gling gi mi de dag tshe 'phos nas/ mtho ris kyi lhar skyes so/ /de'i tshe de'i dus na de'i pha bram ze n+ya gro d+ha ni da ltar nga'i
233b₇ yab zas gtsang ma yin no/ /de'i mar gyur pa de ni nga'i yum lha mdzes yin no/ /sbyin pa chen po ni nga yin no/ /dngul gyi mkhar na 'dug pa'i klu de ni shA ri'i bu yin no/ /bai dUr+ya'i mkhar na 'dug pa'i klu de ni maud gal gyi bu yin no/ /gser gyi mkhar na 'dug pa'i klu de ni kun

_{iiif viewer powered by OpenSeadragon}

233a - 234a

Texts on this page