rKTs

e-texts navigator

Volume

Page

230b₁ 'dod pa yang dag na kho bos gsol pa bzhin du zla ba gnyis 'dug ste/ bdag cag la byang chub sems dpa'i spyod pa bstan nas/ bdag cag gi mchod pa bzhes na rin po che yang sbyin no zhes byas pa dang / sbyin pa chen pos de bzhin du bya'o zhes smras so/ /de nas klu'i rgyal
230b₂ pos zla ba gnyis kyi bar du kha zas ro brgya dang ldan pa rnam pa sna tshogs sbyar te/ phul nas rol mo sna tshogs kyis mchod do/ /byang chub sems dpas kyang de dag la rdzu 'phrul gyi rkang pa bzhi'i chos kyi rnam grangs zla ba gnyis kyi bar du bstan te/ phyir 'gro bar bsams nas klu'i
230b₃ rgyal pos yid bzhin gyi nor bu rin po che bkrol te phul nas/ skyes bu chen po yi dam la brtan pa khyod gdon mi za bar 'tshang rgya'o/ /nam mngon par sangs rgyas pa na/ bdag kyang khyod kyi nye gnas bgyi'o zhes smras pa dang / de bzhin du gyur cig smras so/ /nor bu rin po
230b₄ che 'di la mthu stobs ci tsam yod ces dris pa na/ nor bu rin po che 'di ni dpag tshad bzhi stong kho ra khor yug tu ci 'dod pa thams cad char bzhin du 'bebs so/ /byang chub sems dpa' yang 'di snyam du rin po che 'di'i mthu stobs che mod kyi/ bdag gi bsam pa grub nus pa
230b₅ ma yin no snyam nas/ klu'i rgyal po'i mkhar gyi sgo'i phyi rol tu byang chub sems dpa' bskyal lo/ /de nas yang song song ba las/ rgyang ma nas gser gyi mkhar rab tu 'tsher ba zhig mthong nas/ byang chub sems dpa' de'i drung du song ste phyin pa dang / mkhar de yang
230b₆ 'obs rim pa bdun gyis bskor te/ 'obs kyi nang na sbrul gdug pas yongs su gang ba mthong ngo / /byang chub sems dpa' yang byams pa'i sems bskyed pas/ sbrul gyi gdug pa zhi nas de la brdzis te song ngo / /mkhar de la yang klu gnyis shig 'khyil te mgo sgo'i phyi
230b₇ rol tu bstan te nyal ba dang / byang chub sems dpa' mthong nas mgo bteg ste gdug pa phyung ba las byang chub sems dpas snying rje zhing byams pa'i sems bskyed pas gdug pa zhi nas de'i mgo brdzis te mkhar gyi nang du song ste/ mkhar de'i nang na klu'i rgyal pos rin po che'i

_{iiif viewer powered by OpenSeadragon}

230a - 231a

Texts on this page