| e-texts navigator |
| བོད་ཡིག |
223a1 phyir log pa'i lam du gser bum pa gsum rnyed do/ /rgyal pos kyang gser srang stong bya dgar byin pas/ bram ze dbul po khyo shug gnyis yul de na shin tu phyug cing nor mang bar gyur pas/ lhag par bsod nams byed cing rin po che mang bar gyur to/ /
223a2 rgyal pos kyang de bsod nams las gyur par shes nas blon por bcug ste shin tu phyug par gyur te/ lhag par bsod nams byed pa la dad pa'i sems bskyed de/ sangs rgyas dang dge 'dun spyan drangs te/ mchod pa chen po byas so/ /de la bcom ldan 'das kyis chos bstan
223a3 pas sems rnam par grol te/ rgyun du zhugs pa'i 'bras bu thob bo/ /'khor mang po de rnams dang kun dga' bo la sogs pa sangs rgyas kyis gsungs pa la rjes su yi rangs nas mngon par dga'o/ /bram ze mo bde ba'i le'u ste nyi shu dgu pa'o// //bam po
223a4 brgyad pa/ 'di skad bdag gis thos pa'i dus gcig na/ bcom ldan 'das rgyal po'i khab bya rgod phung po'i ri la dge slong chen po'i dge 'dun brgya phrag phyed dang bcu gsum dang thabs cig tu bzhugs so/ /de'i tshe na bcom ldan 'das kyis tshe dang ldan pa kun shes kauN+Di n+ya la
223a5 bsnyen bkur byed pa'i g.yog gcig dgos so/ /zhes bka' stsal pa dang / de nas kun shes kauN+Di n+ya stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar te/ phyag 'tshal te bcom ldan 'das bdag gis
223a6 bsnyen bkur yid bzhin du bgyi zhing chos gos dang lhung bzed bzung ngo zhes gsol ba dang / bcom ldan 'das kyis kauN+Di n+ya la khyod kyang rgas 'khogs te/ khyod nyid la yang bsnyen bkur byed pa yang dgos kyis/ kauN+Di n+ya khyod stan la 'dug shig ces bka' stsal to/ /de bzhin
223a7 du 'od srung dang / shA ri'i bu dang / maud gal ya na chen po la sogs te nye gnas lnga brgya snyed kun gyis bcom ldan 'das la bsnyen bkur bgyi'o/ /zhes gsol na yang gcig kyang ma gnang ngo / /de nas tshe dang ldan pa ma 'gags pas bcom ldan 'das kyi bsnyen bkur bya
iiif viewer powered by OpenSeadragon
Texts on this page
D341 - mdzangs blun zhes bya ba'i mdo