| e-texts navigator |
| བོད་ཡིག |
221b1 dben par phyin pa dang / re zhig sa la zhog shig ces smras nas sbrul des mi de la sems smad de/ da bdag gi nyes pa 'gyod cing bshags so zhes smras na/ phyir yang khur te/ /dge 'dun gyi gnas su phyin pa dang / dge 'dun dag kyang gdugs tshod kyi dus la bab pas/ mi des
221b2 dge 'dun la me tog brims te/ sbrul de dad pa'i sems kyis me tog 'grim pa la lta'o/ /de nas dge 'dun dag zas kyi bya ba byas nas kha lag bkrus nas sbrul de la chos bshad do/ /sbrul de rab tu dga' nas/ gser gyi bum pa drug kyang dge 'dun la phul te/ bsod nams
221b3 kyi las byas nas de nas tshe 'phos so/ /tshe'i dus byas nas de'i bsod nams kyis sum cu rtsa gsum gyi lhar skyes so/ /kun dga' bo de'i tshe na sbrul gdug pa khur du khyer ba'i mi de ni nga yin no/ /sbrul gdug pa de ni shA ri'i bu yin no/ /'das pa'i dus na yang khur du sbrul
221b4 khyer ba las sbrul gyis spyos te/ de la yang sems smad pas da yang dge slong rnams la sems smad pa yin no/ /kun dga' bo la sogs pa sangs rgyas kyis gsungs pa la yi rangs nas mngon par dga'o/ /gser gyi bum pa'i le'u ste nyi shu brgyad pa'o// //
221b5 'di skad bdag gis thos pa'i dus gcig na/ bcom ldan 'das rgyal po'i khab bya ka lan da ka gnas pa 'od ma'i tshal na dge slong grangs med pa dang thabs cig tu bzhugs so/ /de'i tshe yul de na bram ze shin tu dbul zhing phongs pa ci yang mi bdog pa zhig yod de/ bram ze phongs
221b6 ches nas kun la ci ltar byas na tshe 'di la longs spyod dang ldan par 'gyur zhes dris so/ /de la mi zhig gis smras pa/ ci khyod mi shes sam/ sangs rgyas bcom ldan 'das zhes bya ba da ltar 'jig rten du gshegs te/ sems can thams cad la phan pa'i don mdzad do/ /de'i
221b7 nye gnas 'od srung chen po dang maud gal ya na dang shA ri'i bu dang / ma 'gags pa la sogs pa 'phags pa bzhi yang rtag tu dbul phongs pa la phan pa'i don byed kyis/ gal te khyod dad pa'i sems kyis 'phags pa de dag la zhal zas kyis mchod na/ 'phags pa de dag gis tshe
iiif viewer powered by OpenSeadragon
Texts on this page
D341 - mdzangs blun zhes bya ba'i mdo