rKTs

e-texts navigator

Volume

Page

220b₁ stang dang bcas pas khyed na bar ma gyur tam/ bsod snyoms kyis ma brel tam zhes bka' stsal pa dang / de bzhin gshegs pa yon tan chen po dang ldan pa de dge slong rnams la bsti stang mdzad par dge slong kun dga' bos mthong nas ngo mtshar du gyur te/ bcom ldan 'das la 'di skad ces
220b₂ gsol to/ /bcom ldan 'das ni 'jig rten gyi gtso bo yon tan dpag tu ma mchis pa/ ye shes bsam gyis mi khyab pa lags na/ ci'i slad du thugs smad de dge slong rnams la bsti stang mdzad ces gsol pa dang / bcom ldan 'das kyis kun dga' bo la 'di skad ces bka' stsal
220b₃ to/ /sngon bskal pa grangs med tshad med bsam gyis mi khyab pa 'das pa na/ 'dzam bu'i gling 'dir yul bA rA Na sI na khyim bdag so tshis la mkhas pa zhig yod de/ nor ci snyed kyang gser du bsgyur nas/ gser gyi bum pa gcig byas nas/ sa'i 'og tu sbas so/ /de bzhin du
220b₄ nor ci snyed kyang longs mi spyod de gser du bsgyur nas phyis ring zhig lon pa dang / gser gyi bum pa snga phyir bsags pa bdun du gyur nas thams cad sa 'og tu sbas so/ /khyim bdag de phyis nad kyis btab nas tshe'i dus byas pa dang / gser gyi bum pa la chags pas sbrul gdug pa zhig
220b₅ tu skyes te gser de la bsrung ngo / /phyis yun ring zhig lon pa dang grong khyer de yang zhi gnas su yang mi gnas te/ grong khyer de stongs par gyur to/ /sbrul de yang lo grangs mang du lon nas tshe'i dus byas pas phyir yang de nyid kyi lus su skyes te/ gser gyi bum pa la 'khri zhing nyal lo/ /
220b₆ de bzhin du lo khri phrag du ma lon pa dang / nang gi skye ba tha ma la lus des skyo ste 'di snyam du bsams so/ /bdag ni gser 'di la chags pas 'di 'dra ba'i lus mi sdug pa myong bar gyur gyis da ni bsod nams kyi zhing du phul na snyam nas lam dang nye bar song ste/ rtswa 'khor du lus sbas la mi dag
220b₇ 'ong na 'bod do snyam ste/ de'i tshe sbrul gdug pa des mi gcig lam nas 'ong ba mthong nas/ sbrul gyis mi de la bos pa dang mi des bos pa'i sgra thos nas phan tshun du bltas na ci yang mi snang nas lam du zhugs te song song ba las sbrul gyis yang 'bod de/ kye kho bo'i drung du yang bsnyen cig ces smras

_{iiif viewer powered by OpenSeadragon}

220a - 221a

Texts on this page