rKTs

e-texts navigator

Volume

Page

219a₁ myang bar bya'o/ /yul mi dag la gang bkres pa thams cad kyis ci dga' bar nga'i sha la long shig ces bsgo shig /de'i tshe na mi lnga pos sha bcad de zos nas yul mi la sbran te/ de nas gcig gis gcig sbran pas/ 'dzam bu'i gling gi mi thams cad 'dus te/
219a₂ de'i sha bcad nas zos so/ /rtsib logs ngos gcig zad tsam na/ rtsib logs ngos gcig rang bsgyur te/ steng ma zad tsam na 'og ma yang de bzhin du skye'o/ /de bzhin du ltag 'og bsgyur cing lo bcu gnyis kyi bar du thams cad kyis sha bcad de zos nas/ thams cad de la snying
219a₃ rje ba'i sems skyes pas/ de'i sha zos pa de dag thams cad tshe'i dus byas pa yang mtho ris kyi lhar skyes so/ /kun dga' bo de'i tshe de'i dus na/ rgyal po nyar gyur pa de ni da ltar nga yin no/ /shing mkhan lnga po thog mar nga'i sha bcad de zos pa de ni/ dge slong kauN+Di n+ya la sogs pa
219a₄ lnga po yin no/ /skye bo mang po phyis nga'i sha zos pa de ni/ lha'i sras po brgyad khri dang nga'i nye gnas rnam par grol ba rnams yin no/ /de'i tshe sngar mi lnga po la byin te/ 'tsho ba'i srog skyabs pas 'dir yang sngar chos bstan te/ chos kyi sku'i yan lag gis/ dug gsum gyi me
219a₅ zhi bar byas so/ /kun dga' bo dang / 'khor mang po rnams bcom ldan 'das kyis gsungs pa la rjes su yi rangs nas mngon par dga'o/ /shud do lag gar ni'i le'u ste nyi shu drug pa'o// //'di skad bdag gis thos pa'i dus gcig na/ bcom ldan 'das
219a₆ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na bcom ldan 'das kun dga' bo dang bsod snyoms la gshegs pa las/ lam kha na byis pa dag cig sa la khang bu dang / bang mdzod dang / rin po cher bsngos nas rtse zhing 'khod do/ /
219a₇ de la khye'u gcig cig gis/ sangs rgyas rgyang ma nas gshegs pa mthong nas rab tu dga' ste/ sbyin pa bya bar bsams nas/ bang bar bsngos pa'i sa las snyim pa gang blangs te/ sangs rgyas la 'bul bar gzas pa na/ khye'u chung ches pas ma slebs nas/ grogs

_{iiif viewer powered by OpenSeadragon}

218b - 219b

Texts on this page