| e-texts navigator |
| བོད་ཡིག |
218a1 lcags tsha ba'i thur ma spyi bo nas zug nas rkang mthil du byung ste/ rtag tu 'di lta bu'i gnod pa byung ngo / /de'i tshe rigs che zhing mtho ba'i dge slong ma lnga brgya snyed kyis de skad ces thos nas/ lus dang sems skyi g.ya' ste/ 'dod pa la me mur gyi phung po ltar rtogs
218a2 nas/ 'dod chags kyi sems yongs su zad de khyim gyi sdug bsngal la btson ra bas kyang lhag par rtogs te/ dri ma kun zad nas dus gcig tu ting nge 'dzin du zhugs te/ dgra bcom par gyur to/ /dge slong ma de dag gis tshig 'thun par dge slong ma ud pa la la bdag cag ni/
218a3 'dod chags kyis kun nas bcom zhing glags pa las/ khyod kyis chos bstan pas 'khor ba'i mthar phyin par gyur to zhes smras so/ /de la bcom ldan 'das kyis dge slong ma ud pa las ni legs par bstan to/ /gang chos ston pa ni gcig gis gcig bstan pa'o/ /
218a4 'bras bu thob nas sangs rgyas kyi sras yang dag pa'o zhes bsngags so/ /de skad ces gsungs pa la 'khor mang po rjes su yi rangs nas mngon par dga'o/ /dge slong ma ud pa la'i le'u zhes bya ste nyi shu lnga pa'o// //'di skad bdag gis thos pa'i dus gcig na/
218a5 bcom ldan 'das rgyal po'i khab bya ka lan da ka gnas pa 'od ma'i tshal na bzhugs so/ /de'i tshe tshe dang ldan pa kun dga' bo 'dug pa las langs te/ gos tshags bcos te pus mo sa la btsugs nas thal mo sbyar te/ bcom ldan 'das la 'di skad ces gsol to/ /kauN+Di n+ya
218a6 la sogs pa dge slong lnga po 'di ci'i rgyu/ ci'i rkyen gyis bcom ldan 'das kyis 'jig rten du chos kyi 'khor lo bskor ma thag tu chos kyi bdud rtsi sngar myong ba bstan du gsol/ bcom ldan 'das kyis kun dga' bo la bka' stsal pa/ dge slong lnga po 'di dag sngon yang nga'i sha
218a7 sngar zos te bde bar gyur pas 'dir yang chos kyi ro thog mar myong ste/ rnam par grol bar gyur to/ /kun dga' bos bcom ldan 'das la gsol pa/ dge slong 'di lnga pos sngon ci bgyis pa bstan du gsol/ bcom ldan 'das kyis kun dga' bo la bka' stsal pa/ sngon
iiif viewer powered by OpenSeadragon
Texts on this page
D341 - mdzangs blun zhes bya ba'i mdo