| e-texts navigator |
| བོད་ཡིག |
217a1 'gro'o snyam nas rgyal bu rgyal byed kyi tshal gang na ba de logs su song ba dang / rgyang ma nas de bzhin gshegs pa me tog gi sdong po rgyas pa lta bu'am/ skar ma'i nang na zla ba lta bur mthong ngo / /de'i tshe bcom ldan 'das kyis thogs pa med pa'i ye shes kyis bdag 'dul
217a2 ba'i dus la bab par shes nas/ bzhengs te kho mo bsu'o/ /kho mo sgren mor 'dug pas ngo tsha ste/ lag pas nu ma bkab nas sa la 'dug go/ /de nas bcom ldan 'das kyis kun dga' bo la bka' stsal pa/ bud med 'di la gos bskon cig ces bka' stsal pa dang / kho
217a3 mos gos gyon nas/ bcom ldan 'das kyi zhabs la mgo bos phyag 'tshal te/ bdag la thugs brtse bar dgongs nas/ bdag rab tu byung bar gnong shig ces gsol pa dang / bcom ldan 'das kyis kun dga' bo la bka' stsal te/ bud med 'di skye dgu'i
217a4 bdag mo la gtad de/ rab tu phyung shig ces bka' stsal to/ /de nas skye dgu'i bdag mos kho mo rab tu phyung nas/ kho mo la bden pa bzhi'i chos bstan te/ kho mos thos ma thag tu brtson 'grus nan tan byas nas/ dgra bcom pa'i 'bras bu thob ste/ 'das
217a5 pa dang / ma 'ongs pa dang / da ltar gyi bya ba kun rtogs par gyur to/ /dge slong ma de rnams kyis smras pa/ sngon sdig pa'i las ci bgyis na/ de lta bu'i rnam par smin pa myong ba ston cig ces smras pa dang / dge slong ma ud pa las khyod rtag par nyon cig /
217a6 khyod la bstan par bya'o/ /sngon 'das pa'i dus yun ring po zhig na/ khyim bdag shin tu phyug pa zhig la bu med pa las/ chung ma zhig blangs te/ chung ma de la shin tu byams pas/ ring po ma lon par chung ma de sems can dang ldan par gyur te/ zla ba tshang nas khye'u
217a7 zhig btsas te/ khyo shug gnyis de bu la byams shing sdug par 'dzin to/ /de nas chen mas 'di snyam du bsams so/ /kho mo ni rigs che zhing btsun mod kyi bu med pas rigs 'tshob pa med do/ /gal te khye'u 'di cher skyes nas rigs 'tshob cing / nor dang longs spyod
iiif viewer powered by OpenSeadragon
Texts on this page
D341 - mdzangs blun zhes bya ba'i mdo