rKTs

e-texts navigator

Volume

Page

216a₁ las mtshan mo sbrul gyis zin to/ /mtshan mo bos na cang mi grag nas/ nam nangs nas bltas na khyim thab kyang sbrul gdug pas zin pas tshe 'phos nas/ lus kyang zhig par gyur to/ /de'i tshe na kho mo 'khams te sa la 'gyel ba dang / bu che ba yang pha sbrul gyis
216a₂ bsad pa mthong nas/ skad phyung ste ngus pas bu ngus pa'i skad kyis kho mo yang phyir sangs nas/ bu che ba ni khur du thogs/ bu chung ba ni pang par khyer te ngu zhing song ba las lam yang dben pa zhig ste/ mi 'ga' yang ma 'drul bas grogs kyang ma rnyed do/ /bar na chu chen po zhig
216a₃ yod de/ chu de kha tshon yang che la zab pas bu gnyi ga ma theg nas/ bu che ba ni/ chu'i tshu rol du bzhag /bu chung ngu khyer te pha rol tu bskyal nas/ phyir bu che ba bsur 'ong ba dang / bu yang ma 'ongs pa mthong nas/ chu'i nang du zhugs te chus khyer ba las/ kho mos bsnyags
216a₄ pa las stobs chung bas ma zin te chus khyer ro/ /de nas phyir pha rol na phyin tsam na bu chung ba yang spyang kis zos te/ khrag cung zad tsam sa la snang ngo / /der yang 'khams nas/ ring shig lon te phyir sangs pa dang / lam du zhugs te song song ba las kun tu rgyu kho mo'i pha
216a₅ ma dang nye zhing / bshes pa zhig dang phrad do/ /kun tu rgyu des khyod ci nyes na 'di ltar nyon mongs par gyur ces dris na/ kho mos kyang ci ltar gyur pa'i gtam rgyas par byas pa dang / kun tu rgyu de yang ngus nas kho mo'i pha ma'i gtam dris na/ khyod kyi pha ma'i khyim du de bar me
216a₆ shor nas pha ma dang / khyim gang gi mi thams cad mes tshig go zhes zer ro/ /de skad ces smras pa thos nas/ kho mo 'khams te sa la 'gyel to/ /de nas kun tu rgyu des bslang ste/ khyim du khrid de kho mo la bu bzhin du byams shing gdungs pa las/ yang kun tu rgyu
216a₇ cig gis chung mar blangs te/ de dang lhan cig rtse dga' yongs su spyod pa las sems can dang ldan par gyur te/ zla ba tshang nas bu byung du nye ba na khyim thab gzhan gyis khyim du chang la bos na de'i 'og tu bu btsas te/ sgo dam du bcad nas bu btsir ba las/ khyim thab chang gis myos

_{iiif viewer powered by OpenSeadragon}

215b - 216b

Texts on this page