rKTs

e-texts navigator

Volume

Page

215a₁ rab tu byung nas dge slong mar gyur to/ /rab tu byung ba de dag la la ni shAkya'i rigs/ la la ni rgyal rigs yin te/ dpe med par mnga' byad legs par blta na sdug pa/ rigs che ba lnga brgya snyed bdog pa yongs su spangs te/ rab tu byung bas yul mi
215a₂ thams cad kyang / de la dga' ste 'tsho ba sbyor ro/ /dge slong ma de dag gcig la gcig 'di skad du bdag cag ni rab tu byung yang chos kyi bdud rtsi'i ro ma myong ste/ 'dod chags dang / zhe sdang dang / gti mug zhi bar ma byas na mi rung gis/ drug sde ma bsnyen dga' mo'i
215a₃ thad du chos nyan du 'dong ngo zhes smras nas/ de dag gang na bar song ste phyin pa dang / phyag 'tshal nas 'di skad du bdag cag ni rab tu byung na yang / chos kyi bdud rtsi'i ro ma myong na/ bdag cag la bstan du gsol zhes smras pa dang / drug sde mos bsams pa bdag gis
215a₄ 'di dag chos dang tshul khrims las phyir zlog ste/ 'di dag gi chos gos dang / lhung bzed thob par gyur na/ re legs snyam nas/ 'di skad ces smras so/ /khyed rnams ni rigs che zhing mtho ba ste/ rin po che sna bdun dang / glang po che dang / rta dang /
215a₅ bran pho dang / bran mo dang / las byed pa'i mi dang / zhing dang / 'tsho ba'i yo byad cis mi brel na ci'i phyir de dag yongs su spangs te/ dge slong mar zhugs nas 'di ltar nyon mongs shing sdug bsngal dang bsdos te/ sangs rgyas kyi bslab pa la 'jug par byed/ nyes na
215a₆ phyir song ste khyim thab dang / bu dang bu mor ldan pas lhan cig tu yid bzhin du dga' ste/ rtse zhing tshe 'di la yang dga' skyid pa myong bar byas la/ sbyin pa dang yid bzhin du byas na legs so/ /zhes bsgo'o/ /dge slong ma de rnams de skad ces bsgo ba thos nas mi dga'
215a₇ ste dus nas phyir dong ngo / /de nas dge slong ma de dag dge slong ma ud pa la'i mdog gang na bar song nas der phyin pa dang / ud pa la'i mdog la phyag 'tshal te/ chos bzhin du snyun gsol nas 'di skad ces so/ /bdag cag khyim na mchis pa na khyim gyi las kyis

_{iiif viewer powered by OpenSeadragon}

214b - 215b

Texts on this page