| e-texts navigator |
| བོད་ཡིག |
214b1 rnam par smin par 'gyur ro/ /sngon 'das pa'i dus na sangs rgyas 'od srung 'jig rten na gshegs te/ sangs rgyas de mya ngan las 'das nas/ khyim bdag cig gis mchod rten brtsigs te/ dge 'dun gyi gnas khang byas nas/ 'tsho ba'i yo byad rnam pa bzhi
214b2 yang sbyar te yun ring zhig lon pa dang / mchod rten de yang zhig /'tsho ba'i yo byad khri stan dang / gos dang / zas kyang rgyun chad par gyur to/ /de nas khyim bdag de la bu dge slong zhig yod pa des mi mang po la chos bshad de phyir yang mchod rten gsos nas/ gos dang /
214b3 mal cha dang / bza' ba dang / btung ba dang / khri stan la sogs pa'i yo byad sbyar te/ mi de dag dang sems yid 'thun par 'tsho ba'i yo byad sbyar te/ 'di skad du smon lam btab bo/ /bdag cag ma 'ongs pa'i dus su btsan zhing phyug pa dang / tshe ring ba dang / sangs
214b4 rgyas 'jig rten du gshegs pa dang phrad de/ chos thos nas 'bras bu yang tha mal par ma gyur cig ces smon lam btab bo/ /kun dga' bo de'i tshe de'i dus na/ khyim bdag gi bu dge slong de ni/ yul gser sa la'i rgyal po ka pyi na chen po yin no/ /des chos bstan te/ mchod
214b5 rten gsos pa dang / 'tsho ba'i yo byad bstabs pa ni rgyal phran khri brgyad stong snyed yin no/ /bcom ldan 'das kyis de skad ces bka' stsal nas/ 'khor mang po rnams phyir mi ldog pa'i sems bskyed de/ yi rangs nas mngon par dga'o/ /ka pyi na chen po'i le'u ste nyi shu
214b6 bzhi pa'o/ / //'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /rgyal po gsal rgyal ni nongs/ rgyal tshab bai dUr+ya rgyal sar gshegs
214b7 te/ /rgyal po'i nang na chos bzhin du rgyal po byed pa ma yin pas/ glang po che'i rmig pas mi brdzis te/ bsad pa yang grangs med do/ /de'i tshe na rigs che zhing btsun pa'i bud med dag cig gis de lta bu dag mthong nas/ khyim la mi dga' bar gyur te/ thams cad
iiif viewer powered by OpenSeadragon
Texts on this page
D341 - mdzangs blun zhes bya ba'i mdo