rKTs

e-texts navigator

Volume

Page

214a₁ bkur byas te/ las rnam par grol nas lha dang mir skyes so/ /dud 'gro'i skye gnas su gtogs pa'i sems can rnams ni sangs rgyas kyi 'od zer mthong bas 'dod chags dang zhe sdang gi sems kun zhi ste/ gti mug gis mdongs pa
214a₂ yang sad par gyur nas/ thams cad sangs rgyas la dga' zhing dad pas/ dud 'gro las rnam par grol te/ lha dang mir skyes so/ /sems can dmyal ba'i sems can la sangs rgyas kyi 'od zer gyis reg pas grang ba ni dro bar gyur/ tsha ba ni bsil bar gyur/ /
214a₃ sdug bsngal gyis gdungs pa yang rgyun chad par gyur te/ lus dang sems rab tu dga' bas/ sangs rgyas la dad par gyur te/ sems can dmyal ba las thar nas lha dang mir skyes so/ /de'i tshe rgyal po ka pyi na chen po dang / gser sa la'i rgyal phran rnams kyis rdzu
214a₄ 'phrul 'di lta bu dag mthong nas/ shin tu dad pa'i sems 'ba' zhig dad pas rdul dang bral/ dri ma dang bral te/ chos la chos kyi mig rnam par dag par gyur te/ rgyal phran khri brgyad stong gi sems tshim par gyur to/ /de ma thag tu sangs rgyas kyi rdzu 'phrul bsdus
214a₅ te/ phyir sangs rgyas kyi skur dge slong gi dge 'dun gyis mdun dang rgyab tu bskor te/ bzhugs par bstan to/ /de nas gser sa la'i rgyal po de yang bcom ldan 'das la rab tu byung bar gsol pa dang / bcom ldan 'das kyis legs par 'ongs so/ /zhes bka'
214a₆ stsal pas/ skra dang / kha spu rang byi ste/ ngur smrig gyon pa'i dge slong du gyur nas/ chos yid la byas pas zag pa zad de dgra bcom par gyur to/ /de nas kun dga' bos bcom ldan 'das la gsol pa/ gser sa la'i rgyal po 'dis sngon bsod nams ci zhig bgyis na
214a₇ 'di ltar rigs che zhing mtho la/ yon tan 'phags par che zhing / sangs rgyas bcom ldan 'das dang phrad pas/ de ma thag tu zag pa zad par gyur/ bcom ldan 'das kyis kun dga' bo la bka' stsal pa/ sems can 'di dag gi spyod pa bzhin du las kyi 'bras bu

_{iiif viewer powered by OpenSeadragon}

213b - 214b

Texts on this page