| e-texts navigator |
| བོད་ཡིག |
211b1 tu dga' bzhin du mchod rten skud pa'i las byas nas 'di skad ces smras so/ /bdag cag ni rgan mo 'di'i dbang gis bsod nams kyi las rnams skyes par gyur to/ /gang dang gang du skyes kyang cho rigs mtho zhing btsan phyug pa dang / longs spyod dang ldan pa dang / rgan mo
211b2 'di yang rtag tu bdag cag gi mar gyur te/ bdag cag kyang 'di'i bur gyur pa dang / rtag tu sangs rgyas dang / chos thos pa dang mi bral te 'bras bu yang myur du thob par shog shig ces smon lam btab bo/ /rgan mos kyang de bzhin du gyur cig ces smras pas/ tshe rabs lnga
211b3 brgya'i bar du cho rigs mtho zhing btsan par gyur to/ /de'i tshe de'i dus na rgan mo de ni da ltar khye'u de dag gi ma yin no/ /de'i tshe de'i dus na mi sum cu rtsa gnyis po de ni khye'u 'di rnams yin no/ /de'i tshe na dmag gi dpung rnams ni sangs rgyas kyis gsungs pa thos nas zhe sdang
211b4 gi sems kun zhi ste/ 'di skad du rgyal po chen pos kyang mnyes kyis/ mi 'di dag gi sngon gyi 'bras bu rnam par smin pa ste/ ba lang cig bsad pa tsam gyis 'di lta bur gyur to/ /rgyal po rab gsal rgyal 'di ni bdag cag gi rje bo yin no/ /ci'i phyir 'di la 'khu
211b5 zhing gnod pa byed par sems zhes smras nas mtshon cha bor te rgyal po la babs nas nyes pa bshags pas rgyal pos kyang gyod ma rmas par btang ngo / /de'i tshe bcom ldan 'das kyis sngon byung ba'i gleng gzhi 'di 'khor bzhi po dag la/ dam pa'i chos rgyas par bstan
211b6 to/ /dge ba'i las ni brtson 'grus bya ba'i rigs pa dang mi dge ba'i las ni bya bar mi rigs par yang bstan/ 'phags pa'i bden pa bzhi yang rgyas par bstan pas 'khor mang po rnams kyis thos nas thams cad kyis 'bras bu thob par gyur te/ bcom ldan 'das
211b7 kyis gsungs pa la yi rangs nas mngon par dga'o/ /blon po kyi bu bdun gyi le'u ste nyi shu gsum pa'o// //bam po bdun pa/ 'di skad bdag gis thos pa'i dus gcig na/ bcom ldan 'das mnyan yod na/ rgyal bu
iiif viewer powered by OpenSeadragon
Texts on this page
D341 - mdzangs blun zhes bya ba'i mdo