| e-texts navigator |
| བོད་ཡིག |
210b1 'di skad du kye ma mi cig skyes pa la tshe zad pa yang yod de de ring por ma thogs so/ /da yang rgyud lnga gang du sdug bsngal myong bar gyur ces smras so/ /khye'u sum cu rtsa gnyis kyi ma'i rigs su nye ba rnams de lta bur gyur pa thos nas shin tu mi dga' ste zhe sdang skyes nas/ 'di
210b2 skad du rgyal po chen po ni 'di ltar mnyes pa thams cad kun bsad kyis dmag pa sogs la dgra bya bar 'dong ngo zhes smras nas/ dmag gi dpung bsags te rgyal po'i pho brang bskor to/ /de'i tshe na rgyal po de skrag nas sangs rgyas gang na ba der bros so/ /de dag gis
210b3 de skad thos nas dmag gi dpung gis rgyal bu rgyal byed kyi tshal yang bskor to/ /de'i tshe kun dga' bos rgyal po rab gsal rgyal gyis lha mtshams ma'i bu sum cu rtsa gnyis bsad de/ ma'i rigs su gtogs pa rnams kyis sha gnyer du 'ongs so/ /zhes thos
210b4 nas pus mo sa la btsugs te/ thal mo sbyar nas bcom ldan 'das la 'di skad ces gsol to/ /bcom ldan 'das ci'i rgyu ci'i rkyen gyis mi sum cu rtsa gnyis rgyal pos cig char du bkum par gyur/ bcom ldan 'das kyis kun dga' bo la bka' stsal pa/ lha mtshams
210b5 ma'i bu sum cu rtsa gnyis po de da lta 'ba' zhig tu rgyal pos cig char du bsad par ma zad do/ /mi sum cu rtsa gnyis po ci'i phyir cig char tshe 'phos pa khyod la rgyas par bstan gyis legs par nyon la yid la zung shig ces bka' stsal nas/ kun dga' bos kyang de bzhin du bgyi'o
210b6 thos par 'tshal lo zhes gsol to/ /bcom ldan 'das kyis kun dga' bo la bka' stsal pa/ sngon 'das pa'i dus na mi sum cu rtsa gnyis po 'di gcig la gcig dga' zhing bshes pa dang / yid gcugs par gyur nas/ de dag gros 'thun par pha rol gzhan gyi
210b7 ba lang cig brkus so/ /de'i tshe yul de na rgan mo dbul mo bu tsa yang med pa zhig yod de/ ba lang brkus pa rnams rgan mo de'i khyim du khrid de 'ongs nas bsad par byas pa dang / rgan mo yang dga' rangs nas shing la sogs te/ sha 'tshod pa'i yo byad sbyar ro/ /mi de dag
iiif viewer powered by OpenSeadragon
Texts on this page
D341 - mdzangs blun zhes bya ba'i mdo