| e-texts navigator |
| བོད་ཡིག |
209b1 dar la bab ste/ stobs kyis ni mi gcig gis kyang mi stong thub pa de dag ni rgyal po la gnod pa zhig bgyid par sems so zhes gsol to/ /'on kyang rgyal po de dag la thugs ma ches pa med pa las/ blon pos yang gsol pa/ bdag gis sngar gsol ba 'di bden te/
209b2 rdzun ma lags par rtag tu gda'o/ /khye'u 'di dag gi lag na thogs pa'i 'khar ba 'di dag gi nang na ral gri re re mchis pas gnod par bgyid du mngon no/ /blon pos gsol pa bzhin du khye'u de dag gi 'khar ba bltas na mtshon yod par gyur nas/ gcig nas kyang
209b3 gcig bos te gyad kyis bzung nas kun bsad do/ /khye'u de dag gi mgo bcad nas khye'u de dag gi mgo sum cu rtsa gnyis sgrom cig gi nang du bcug nas/ kha legs par bcad de/ sring mo'i steng du bskur ro/ /de'i tshe na khye'u de dag gi mas sangs rgyas dang / dge
209b4 'dun spyan drangs pa las/ rgyal pos sgrom bu bskur te 'ongs nas/ de'i nang nas mchod pa byed pa'i mthud ma zhig yod yang dag snyam nas sgrom kha phyes pa las/ bcom ldan 'das kyis re zhig sgrom kha ma 'byed par zhal zas gsol lags nas phyes shig ces
209b5 bka' stsal to/ /de nas zhal zas gsol nas/ bcom ldan 'das kyis khye'u'i ma la chos bstan pa/ lus 'di ni mi rtag pa ste/ sdug bsngal ba stong pa bdag med pa/ snying po med pa/ ring por mi thogs pa/ kun nas nyon mongs pas bcings shing
209b6 glags pa/ sdug bsngal gyis gzir ba ste/ 'dod pa dang bye bral ba'i mya ngan gyis lus 'di chud zos te phan pa med de/ gang mkhas pa shes rab can gyis ni don 'di rtogs par 'gyur ro/ /zhes bka' stsal to/ /lha mtshams mas kyang don rtogs nas lan
209b7 cig phyir mi ldog pa'i 'bras bu thob par gyur te/ rab tu dga' mgu rangs nas thal mo sbyar te bcom ldan 'das la 'di skad ces gsol to/ /bcom ldan 'das bdag la thugs brtse ba'i slad du bdag gis gsol ba 'di bzhi zhig gnang bar mdzad du gsol/ bdag
iiif viewer powered by OpenSeadragon
Texts on this page
D341 - mdzangs blun zhes bya ba'i mdo