rKTs

e-texts navigator

Volume

Page

209a₁ de'i tshe na lha mtshams ma dad pa'i sems dang ldan pas sangs rgyas dang dge 'dun spyan drangs te/ bcom ldan 'das kyis chos bstan pas khyim gang gi mi thams cad kyis rgyun du zhugs pa'i 'bras bu thob par gyur na/ khye'u nang gi tha 'ba' zhig
209a₂ gis 'bras bu ma thob bo/ /khye'u de glang po che la zhon nas grong khyer phyi rol tu rtser song ba las/ grong khyer de'i phyi rol tu chu chen po zhig 'bab pa la zam pa zhig yod de/ khye'u de zam pa'i steng du phyin pa dang / blon po chen po'i bu zhig kyang shing rta'i nang na 'dug ste phyi rol
209a₃ nas nang du 'ongs pa dang / zam pa'i steng du phrad pa las gnyi ga cho rigs kyis bsnyems nas/ gcig gis gcig la ma byol lo/ /lha mtshams ma'i bu khros nas/ glang po che la zhon bzhin du blon po chen po'i bu shing rta dang bcas pa zam pa'i 'og tu bor ro/ /blon
209a₄ po'i bu de lus dang rkang lag smas nas ngus te khyim du 'ongs nas/ pha ma la 'di skad du lha mtshams ma'i bus bdag ma nongs par 'di ltar gnod pa bgyis nas lus kun gnad do/ /zhes gsol to/ /blon po chen po de shin tu mi dga' bar gyur nas/ bu de dag ni shin
209a₅ tu yang stobs che ba'i steng du rgyal po dang mo nye bas rtsod par dka' na/ 'on kyang de la ni rku lto zhig bya'o/ /snyam nas rin po che sna bdun las byas pa'i 'khar ba sum cu rtsa gnyis zhig byas te/ 'khar ba'i nang du ral gri so rnon po re re bcug nas khye'u sum cu rtsa gnyis po de
209a₆ la re re byin nas 'di skad ces bsgo'o/ /khyod ni gzhon dar la bab pas rtse ba'i dus la bab ste/ khyod kyi phyir rtse ba'i rkyen du 'khar ba 'di dag byas kyis/ khyod rnams thogs la rtses shig ces bsgo'o/ /khye'u de dag kyang shin tu dga' nas 'khar ba de dag blangs nas re re thogs
209a₇ so/ /rgyal po'i khrims kyis rgyal po dang phrad pa na mtshon thogs su mi gnang ngo / /de dag 'khar ba thogs te rgyal po'i zhabs 'bring la 'khod pa las blon po des rgyal po la 'di skad du phra ma gsol to/ /lha mtshams ma'i bu sum cu rtsa gnyis po de ni gzhon zhing

_{iiif viewer powered by OpenSeadragon}

208b - 209b

Texts on this page