| e-texts navigator |
| བོད་ཡིག |
208b1 'dzer pa dang / sta re dang ste'u'i rjes med pa zhig bskur te/ shing 'di'i mgo mjug gang yin pa bye brag phyes shig ces bsgo'o/ /rgyal po dang blon po rnams 'dus te dpyad na/ gcig gis kyang ma shes te/ khyim bdag des yang mna' ma la dris pa 'di ni shin tu sla ste/
208b2 shing 'di'i mgo mjug rtogs par 'dod na chu'i nang du zhog shig dang / rtsa ba ni thur du nub kyi mgo ni phyir 'byung ba'i rigs so/ /khyim bdag des kyang rgyal po la de bzhin du gsol te/ mna' mas smras pa bzhin du byas nas/ mgo mjug rtogs par gyur te/
208b3 'di ni mgo'o 'di ni rtsa ba'o zhes bsgo'o/ /pho nyas kyang de bzhin te bden no zhes smras so/ /de nas rgyal po rab tu dga' nas/ de la bya dga' mang du byin no/ /pho nya de phyir yul du phyin nas rgyal po de la rgyas par gsol pa dang / rgyal po des pho nya la rin po che mang
208b4 du bskur te/ rgyal po chen po de la blon po mdzangs pa/ blo dang ldan pa yod kyis/ 'di dag phul la phyin cad 'dum par bya'o zhes smras na/ rgyal po rab gsal rgyal gyis de lta bur gyur pa la rab tu dga' ste/ khyim bdag de la khyod kyis de dag ci ltar rtogs shing shes
208b5 zhes bka' stsal to/ /khyim bdag gis gsol pa/ 'di ni bdag gis rtogs pa ma lags kyi/ bdag gi mna' ma blo dang ldan pa zhig mchis pa des rtogs so/ /rgyal pos de skad ces gsol pa gsan nas rab tu dga' ste/ khyim bdag gi mna' ma de
208b6 da phyin cad nga dang ming sring du bya'o zhes bka' stsal to/ /khyim bdag gi mna' ma de phyis sems can dang ldan par gyur te/ zla ba dgu tshang nas sgo nga sum cu rtsa gnyis byung ste/ sgo nga re re'i nang nas bu khye'u mnga' byad legs pa blta na sdug pa re re byung ngo / /bu de dag
208b7 cher skyes nas dpa' khyad ni zla med de/ gcig gis kyang mi stong thub par gyur to/ /bu de'i pha ma yang bu de dag la rab tu sdug par sems te/ yul mi thams cad kyang de dag la bag byed do/ /phyis yul de na rigs 'thun pa che zhing mtho ba las chung ma yang blangs so/ /
iiif viewer powered by OpenSeadragon
Texts on this page
D341 - mdzangs blun zhes bya ba'i mdo