rKTs

e-texts navigator

Volume

Page

208a₁ du 'ongs nas/ mna' mas gtam ci gsan zhes zhus na/ gtam 'di lta bu dag grag go zhes mna' ma la rgyas par gtam byas so/ /mna' mas gsol pa/ 'di ni shin tu rig par yang sla'o/ /rgod ma ma smad gnyis thogs la lhan cig tu rtswa bzang
208a₂ po zhig byin cig dang / ma gang yin pa de ni rtswa mchus phul te bu la stobs so/ /khyim bdag gis mna' mas smras pa bzhin du rgyal po la gsol nas/ rgyal pos kyang rtswa byin te bltas na de bzhin du gyur te/ ma dang bu yang rtogs nas/ pho nya de la ma ni 'di'o/ /
208a₃ bu ni 'di'o zhes smras pas/ de bzhin du smras pa bzhin te/ ma nor to zhes smras so/ /de nas pho nya de rang yul du song nas/ rgyal po de la de bzhin du rgyas par gsol to/ /de nas yang pho nya cig btang ste/ sbrul sbom phra dang / ring thung mnyam la 'dra ba gnyis shig
208a₄ bskur nas/ sbrul 'di gnyis la pho ni gang / mo ni gang yin pa bye brag phyes shig ces bsgo'o/ /rgyal po rab gsal rgyal dang blon po rnams 'dus te dpyad na gcig gis kyang ma rtogs so/ /de nas khyim bdag des khyim du mna' ma la dris nas/ mna' mas bstan
208a₅ pa ras 'jam mo zhig thing la sbrul de'i steng du zhog cig dang / gang mo yin pa de ni cang mi 'gul bar nyal lo/ /gang pho yin pa de ni mi bzod de 'dug tu mi btub pa'i rigs so/ /cis mngon zhe na/ gang mor gyur pa de ni 'jam zhing yang ba la chags so/ /gang phor gyur
208a₆ pa de ni rang bzhin gyis khros pas 'jam po la mi bzod de/ nyal du mi btub pas des rtogs par 'gyur ro/ /khyim bdag des rgyal po la de bzhin du gsol te/ mna' mas smras pa bzhin du byas na/ pho gang yin pa dang mo gang yin pa bye brag legs par phyed do/ /
208a₇ pho nya de la 'di ni pho yin no/ /'di ni mo yin no zhes bsgo nas/ de bzhin du ma nor to zhes mchi'o/ /de nas rgyal po de shin tu dga' nas/ de la nor bu rin po che mang du bya dgar byin no/ /de nas yang shing 'dom do do ba/ sbom phra mnyam pa/ khyad par med pa/

_{iiif viewer powered by OpenSeadragon}

207b - 208b

Texts on this page