rKTs

e-texts navigator

Volume

Page

207b₁ du 'ongs te mna' ma la 'bras 'di rmos shig ces bsgo'o/ /mna' ma des kyang bsgo ba de bzhin du bran khol gzhan btang nas/ zhing gang gshin par rmos nas/ de bzhin du legs par skyes te 'bras mang zhig byung ngo / /gzhan gyis rmos pa la ni las su legs par ma byas
207b₂ pas gcig kyang ma skyes so/ /de'i tshe na rgyal po'i btsun mo nad kyis btab pa las sman pas dpyad byas nas/ na ba 'di las rgya mtsho'i gling gi 'bras byin na 'tsho'o zhes dpyad byas so/ /rgyal pos kyang rgya mtsho'i gling gi 'bras zhig so so nas rmed du bcug par dran nas/
207b₃ rgya mtsho'i gling gi 'bras zhig rmed du bcug pa yod dam med ces dris na/ blon po kha cig gis ni 'bras rmos pa ma skyes so zhes mchi'o/ /kha cig gis ni 'bras kun byi bas 'tshal te ma mchis so zhes mchi'o/ /de'i tshe na khyim bdag de yang phyir khyim du song nas mna' ma de la
207b₄ sngon 'bras shig rmor bcug pa skyes sam ma skyes/ rgyal po'i btsun mo nad kyis btab ste sman du dgos so/ /mna' mas gsol pa/ 'bras rmos pa de rab tu legs te/ mi gcig gi sman du ma bas kyis/ yul gcig gi mi yang sos pa tsam mchis so/ /khyim
207b₅ bdag des 'bras de las shas cig rgyal po la phul nas/ rgyal pos kyang 'bras des btsun mo'i sman dpyad byas nas/ btsun mo yang sos te/ rgyal po rab tu dga' nas bya dga' mang du byin no/ /de'i tshe na shi ri ti ta'i rgyal po dang / yul mnyan du yod pa'i rgyal po
207b₆ gnyis gcig la gcig mi dga' bas rtag tu mi 'dum mo/ /de'i tshe na shi ri ti ta'i rgyal pos mnyan yod kyi rgyal po de la blon po mdzangs pa mkhas zhing blo dang ldan pa yod dam med pa bgam mo snyam nas/ pho nya cig yul mnyan yod du btang nas/ pho nya de la rgod ma ma
207b₇ smad gnyis ma dang bu 'dra bar spu mdog gcig pa/ bye brag mi phyed pa/ rgod smad gnyis bsgrigs te/ ma ni gang yin bu ni gang yin bye brag phyes shig ces spring ngo / /rgyal po dang blon po rnams kyis bltas na gcig gis kyang bye brag ma phyed do/ /de nas khyim bdag de khyim

_{iiif viewer powered by OpenSeadragon}

207a - 208a

Texts on this page