| e-texts navigator |
| བོད་ཡིག |
207a1 las byed pa rnams la zan byin no/ /so sor las la btsud nas/ gdod bdag zas bza'o/ /rtag tu de 'dra bar byed pas gyos pos kyang bdag gi mna' ma 'di ni gzhan dang mi 'dra ste/ tha mal pa ni ma yin no/ /de ci'i phyir bu mo bdag gi mas bsgo ba
207a2 ltar mi byed snyam bsams nas 'di skad ces smras so/ /khyod khyim nas chas pa'i tshe khyod kyi mas rtag tu gos bzang po gyon la kha zas zhim po zo shig /rtag tu me long la ltos shig ces byung ba 'di ci'i tha tshig ces dris nas/ mna' mas pus mo gnyis sa la btsugs te
207a3 'di skad ces gsol to/ /bdag gi mas gos bzang po gyon cig ces bsgo ba ni/ steng du gyon pa'i bzhag gos lta bu la rtag tu bag bya zhing ma rnyings par gyis shig /'gron nam/ phyi mi dag 'ongs na gos ma ngan cig ces mchi'o/ /rtag tu kha zas zhim po zo shig
207a4 ces pa ni kha zas zhim po dang bsod pa la bgyi ba ma lags kyi/ su bas kyang phyis zos na bkres pas kha zas kun zhim mo zhes mchi'o/ /rtag tu me long la ltos shig zer ba ni 'khar ba'am/ lcags kyi me long la lta ba ma lags kyi/ sngar langs la phyi nang gi phyag
207a5 dar dang / chag chag btab pa dang / khri stan bting ba la sogs pa las su bgyi ba rnams legs par gyis shig ces mchi ste/ bdag gi mas bsgo ba ni 'di lta bu lags so zhes gsol pa dang / mna' ma de la lhag par yang byams te/ khyim gyi las thams cad
207a6 gtad nas thams cad bde zhing skyid par gyur to/ /de'i tshe bya dag cig rgya mtsho'i gling na 'bras za za ba las 'bras kyi snye ma khyer te 'phur nas/ rgyal po'i pho brang gi thad kar phyin pa dang / 'bras kyi snye ma dag cig shor te/ pho brang gi thad kar lhung ngo / /'bras kyi
207a7 snye ma de gcig gis rgyal po la phul lo/ /rgyal pos kyang 'bras bzang po 'di lta bu dag ni sman du rung nges kyis sa bon du bya'o snyam nas/ blon po kun la shas shas su bgos te/ rmos shig ces bsgo'o/ /de'i tshe khyim bdag des kyang nyung ngu zhig thob nas/ phyir khyim
iiif viewer powered by OpenSeadragon
Texts on this page
D341 - mdzangs blun zhes bya ba'i mdo