| e-texts navigator |
| བོད་ཡིག |
205a1 skad 'thun par de bzhin gshegs pa'i yon tan ni ngo mtshar rmad do zhes bsngags nas/ bsgom pa la nan tan byas pas kha cig gis ni dge sbyong gi 'bras bu thob par gyur to/ /kha cig ni bla na med pa yang dag par rdzogs pa'i byang chub thob par gyur te/ bcom
205a2 ldan 'das kyis gsungs pa la rjes su yi rangs nas mngon par dga'o/ /rgyal po zla 'od kyis mgo sbyin pa'i le'u ste nyi shu gnyis pa'o// //'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas
205a3 sbyin gyi kun dga' ra ba na bzhugs so/ /de'i tshe rgyal po gsal thub la blon po zhes bya ba yod de/ /rab tu phyug pa longs spyod che ba/ de la bu pho bdun yod do/ /bu pho drug gi ni chung ma lon te/ nang gi bu tha gcig chung ma ma lon nas phas 'di snyam du bsams
205a4 so/ /bdag ni rgas 'khogs te/ bu gcig gi chung ma ma lon pa 'di la bzang mo mchog zhig btsal lo snyam bsams nas/ de'i tshe na khyim bdag de la bram ze mdza' zhing bshes pa zhig yod de/ de dang phrad nas gtam du glengs pa/ bdag gi bu nang gi tha 'di
205a5 da dung chung ma ma lon te/ su la bslang yang mi shes na/ khyod ni yul kun tu phyin na bu mo bzang zhing mdzes pa/ blo dang ldan pa/ tshe dang dbang thang yod pa lta ci mthong / bdag gi bu 'di'i yid du 'ong ba zhig khyod kyis btsal dgos so zhes smras pa dang / bram ze des kyang
205a6 de bzhin du bya'o smras nas/ kun tu rgyu zhing tshol ba las/ yul shi ri ti ta zhes bya ba na bu mo lnga brgya zhig 'grogs te/ rtse ba las me tog bzang po btus te/ sangs rgyas la mchod pa'i phreng ba byed pa mthong ngo / /bram ze des kyang bu mo de dag gar song ba'i phyi bzhin du bltas
205a7 na bu mo de dag chu chung ngu zhig 'bog pa las/ gzhan thams cad ni lham phud kyi bu mo gcig lham ma phud par chu brgal to/ /de nas yang song song ba las chu chen po zhig brgal nas/ bu mo gzhan ni gos phud nas chur zhugs/ bu mo de 'ba' zhig gos kyang ma phud par chu brgal
iiif viewer powered by OpenSeadragon
Texts on this page
D341 - mdzangs blun zhes bya ba'i mdo