rKTs

e-texts navigator

Volume

Page

200b₁ pa'i pho brang ni 'tsho ba bzang po zhes bya ste/ pho brang de'i chu zheng gab par dpag tshad bzhi brgya yod de/ gser dang / dngul dang / bai dUr+ya dang / shel las byas so/ /skyed mos tshal gyi nang na gser dang / dngul dang / bai dUr+ya dang / shel gyi shing tshar bzhi yod do/ /kha cig
200b₂ gi yal ga ni gser/ lo ma ni dngul/ kha cig gi yal ga ni dngul/ lo ma ni gser/ kha cig gi yal ga ni baidUr+ya/ lo ma ni shel/ kha cig gi yal ga ni shel/ lo ma ni bai dUr+ya ste/ rin po che'i rdzing rnams kyang gser dang / dngul dang / bai dUr+ya dang / shel las
200b₃ byas pa/ rdzing gi zhabs kyang rin po che sna bzhi'i bye mas bdal ba/ rgyal po'i pho brang nyi tshe kho ra khor yug tu dpag tshad bzhi bcu'i bar du gser dang / dngul dang / bai dUr+ya dang / shel gyis chal par bkang ngo / /yul de na gnas pa'i mi rnams bde zhing skyid pa lo legs pa longs spyod
200b₄ 'byor pa/ rin po che dam pa grangs med pa bdog par gyur to/ /de'i tshe rgyal po'i pho brang na 'dug pa las rtag tu 'di snyam du bsam pa skyes so/ /'jig rten na gnas pa dag btsan zhing che ba la thams cad kyis bkur sti byed par 'gyur ro snyam du bsams ma thag tu 'dod pa lnga'i longs
200b₅ spyod dam pa yid bzhin du grub ste/ 'di ltar 'bras bu mchog thob pa yang sngon bsod nams kyi tshogs bskyed pa las gyur te/ dper na zhing pa dag kyang dpyid sa bon mang du btab na/ ston mang du bsdur yod do snyam re ba yod do/ /bdag kyang de dang 'dra ste/ sngon bsod nams
200b₆ kyi tshogs bskyed pas da ltar 'di lta bu grub par gyur to/ /da ltar gyi dus su sa bon ma bskyed na phyis re ba med do snyam bsams nas/ blon po rnams la da ni bdag gi rin po che dang / longs spyod kun sbyin pa'i phyir grong khyer gyi sgo dang tshong dus kyi mdor spungs te/ sems can la
200b₇ yid bzhin du ci bdog pa sbyin par bya'o/ /gzhan yang rgyal phran brgyad khri bzhi stong yod pa las/ bang mdzod ci yod pa thams cad 'gro ba mang po la sbyin par bkar btags so zhes bsgo nas gser gyi rgyal mtshan bsgrengs te/ gser gyi rnga brdungs nas phyogs su rgyas par

_{iiif viewer powered by OpenSeadragon}

200a - 201a

Texts on this page