| e-texts navigator |
| བོད་ཡིག |
200a1 tes slob dpon gyi ring bsrel dang / lhung bzed dang chos gos gsum thogs te/ sangs rgyas gang na ba der song ste zhabs la mgo bos phyag 'tshal te/ pus mo'i lha nga sa la btsugs nas/ bdag gi slob dpon ni mya ngan las 'das te/ ring bsrel dang /
200a2 chos gos dang / lhung bzed ni 'di dag lags so zhes gsol to/ /de'i tshe kun dga' bos dge tshul gyis smras pa thos nas/ mya ngan gyis shin tu gdungs te/ bcom ldan 'das la 'di skad ces gsol to/ /shA ri'i bu chos kyi bdag po gtso bo chen po yang mya ngan las
200a3 'das na bdag cag gis su la gnas bca' zhing skyabs su mchi bar bgyi/ bcom ldan 'das kyis bka' stsal pa/ shA ri'i bu mya ngan las 'das kyang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa
200a4 dang / chos kyi sku ni mya ngan las ma 'das so/ /shA ri'i bu ni nga da ltar 'ba' zhig mya ngan las 'da' bar mthong bar mi bzod de/ sngar mya ngan las 'das pa 'dir ma zad kyi/ sngon 'das pa'i dus na nga tshe 'pho ba la mi bzod nas sngar tshe 'phos so/ /kun dga' bos
200a5 thal mo sbyar te/ bcom ldan 'das la gsol pa/ sngon bcom ldan 'das sku tshe'i snga ma la yang sngar gum nas/ phyis gshegs pa'i dngos po rgyas par bstan du gsol/ bcom ldan 'das kyis kun dga' bo la 'di skad ces bka' stsal pa/ sngon 'das pa'i bskal pa tshad
200a6 med grangs med bsam gyis mi khyab pa 'das pa'i sngon rol du/ 'dzam bu'i gling 'dir yul che ge mo zhig na rgyal po zla 'od ces bya ba 'dzam bu'i gling la dbang ba rgyal phran brgyad khri bzhi stong dang / ljongs stong phrag drug cu'i nang na grong khyer khri phrag brgyad cu la dbang byed pa zhig byung
200a7 ngo / /rgyal po de la btsun mo stong phrag nyi shu yod de/ /btsun mo che ba ni me tog sbyin pa zhes bya/ btsun mo 'bring po ni spyan chen po zhes bya ste/ rgyal po de la rgyal bu lnga brgya tsam rnyed do/ /rgyal po'i bu thu bo rgyal tshab ni tshul khrims bzang po zhes bya/ rgyal po bzhugs
iiif viewer powered by OpenSeadragon
Texts on this page
D341 - mdzangs blun zhes bya ba'i mdo