| e-texts navigator |
| བོད་ཡིག |
189a1 tshe na rgyal po'i yul khrims kyis/ yul mi dag la gcig cig bskyis kyang zhal ce ba'i drung du lhags nas/ dpang 'dzugs kyis gtan tshigs gzhan mi byed do/ /de'i tshe tshong pa zhig rgya mtshor 'gro ba las/ de'i nu bo tshul khrims zhes bya ba la
189a2 nor dbyig mang po zhig bskyis te ci dgos par spyod do/ /de'i tshe na tshul khrims de la bu gcig pu zhig yod pa yang gzhon la chung bas/ tshul khrims kyis bu de yang khrid cing sbyin par byas pa'i nor rdzas kyang khyer nas pho bo'i gan du song nas/ 'di skad du tshong pa 'dis bdag la
189a3 nor 'di snyed cig snga skyin du 'tshal te/ rgya mtsho las nam slar 'khor na stsal bar bgyis pas/ gal te bdag gum na yang bu la stsal bar bgyis kyis gcen mkhyen par mdzod cig /phu bos kyang de bzhin du bya'o zhes smras so/ /de nas ring por ma lon par khyim
189a4 bdag tshul khrims ni tshe'i dus byas so/ /tshong pa de yang rgya mtsho'i nang du gru zhig ste/ tshong pa de 'ba' zhig shing leb cig la 'jus nas/ phyir yul du phyin pa dang / de'i tshe khyim bdag gis tshong pa de gru zhig nas nor ni 'khyams te gcig pur 'khor te/ bdag
189a5 gi nor rdzas 'di snyed cig chags mod kyis/ bdar med do snyam bsams so/ /de nas yang tshong pa des gzhan la bskyi gnya' byas nas/ phyir rgya mtshor zhugs pa dang / nor bu rin po che mang du rnyed de/ bde bar phyir khyim du 'khor nas 'di snyam du sems so/ /
189a6 khyim bdag gi bu 'dis sngar yang bdag la bu lon mi ded pas na/ mi 'di chung ches bas gal te brjed de mi dran nam/ 'on te bdag la ci yang mi bdog pas bu lon mi ded pa/ bdag bgam mo snyam bsams nas/ rta bzang po zhig zhon nas/ gos rin po che
189a7 chen po gyon nas tshong dus su song ngo / /khyim bdag gi bu des kyang tshong pa des gos bzang po gyon zhing rta bzang po zhon pa mthong nas bsams pa/ 'di ni longs spyod dang ldan par gyur pa la/ bu lon bda'o snyam bsams nas/ mi zhig la bu lon chags pa rnams da phyir mi
iiif viewer powered by OpenSeadragon
Texts on this page
D341 - mdzangs blun zhes bya ba'i mdo