| e-texts navigator |
| བོད་ཡིག |
188b1 thab de'i bkur sti byed pas/ khyim thab kyis chung ma la 'di skad ces smras so/ /khyo shug ces bya ba bdag cag tu ma zad de/ kun la yang srid na/ khyod 'ba' zhig ci'i phyir 'di ltar byed ces smras so/ /chung mas smras pa/ bdag gi pha la nor phyugs grangs med pa zhig
188b2 yod de/ gum pa'i 'og tu bu mo lnga yod kyang nor thams cad rgyal pos bzhes par chad pa las ma'i rum mi bde bar zla ba tshang nas ming po btsas na/ mig kyang med/ rna ba dang / sna dang / lce dang / rkang pa dang / lag pa yang med de/ skyes pa'i mtshan 'ba'
188b3 zhig yod pas nor ba dag tu gyur to/ /de bas na dbang po ci yod kyang skyes pa'i mtshan ma gcig tsam mi phod de/ bdag khyod la bkur sti byed pa yin no/ /khyim bdag des chung mas smras pa thos nas/ ngo mtshar du gyur te/ chung ma dang 'grogs nas bcom
188b4 ldan 'das gang na ba der song ste phyin pa dang / bcom ldan 'das la 'di skad ces gsol to/ /bcom ldan 'das ci'i slad du khyim bdag gi bu de/ mig dang / rna ba dang / sna dang / lce dang / lag pa dang / rkang pa yang ma mchis te/ btsas ma thag tu
188b5 shin tu phyug po'i khyim du nor gyi bdag por gyur/ bcom ldan 'das kyis khyim bdag la bka' stsal pa/ khyod kyis 'di dag zhus pa legs kyis/ shin tu legs par nyon la yid la zung shig dang / khyod la bstan to zhes bka' stsal nas/ khyim bdag gis de
188b6 bzhin du 'tshal lo zhes gsol to/ /bcom ldan 'das kyis bka' stsal pa/ sngon 'das pa'i dus na/ khyim bdag cig la khye'u spun gnyis shig yod de/ gcig ni sbyin pa zhes bya/ gcig ni tshul khrims zhes bya ste/ khye'u spun gnyis chung ngu nas
188b7 chu gang dang khrel ltas che la tshig bden par smra ba/ rtag tu sbyin pa la dga' ba/ dbul phongs pa la mgon byed do/ /de ltar dad pa che zhing dge bas yul mis kyang bsngags te/ rgyal pos kyang zhal ce bar bcug nas/ nyes pa dang ma nyes pa dpyod do/ /de'i
iiif viewer powered by OpenSeadragon
Texts on this page
D341 - mdzangs blun zhes bya ba'i mdo