| e-texts navigator |
| བོད་ཡིག |
186b1 pa dang / 'bras bu grub par gyur cig ces smon lam btab nas/ rang gi mgul ba bcad nas tshe 'phos so/ /khrag gis g.yogs nas lus kyang khrag gis dmar por gyur te/ de'i tshe na bu mos bsams pa/ ring bar thogs snyam nas sgo'i drung du song ste bos na
186b2 cang mi zer ro/ /bu mos sgo phyes te bltas na tshe 'phos zin pa mthong nas/ bsam pa bzhin du ma gyur pas/ 'dod pa'i sems kyang zhi ste/ bu mo shin tu mi dga' bas gdungs pas skra yang bshig /gdong yang sen mos brad de/ sa la 'gre zhing ngu'o/ /bu
186b3 mo'i pha ma ston mo las phyir log nas sgo brdungs te bos na bu mos cang mi smra bas/ mi zhig nang du btang ste sgo 'byed du bcug na/ bu mo de lta bur gyur pa mthong ba dang / bu mo la smras pa/ khyod ci nyes/ gcig gis kyal ka byas te/ khyod kyi rigs sun par byas sam
186b4 zhes dris na/ bu mo cang mi smra bar 'di snyam du bsams so/ /bdag gi drang por smras na ni rab tu ngo tsha ba zhig na/ gal te dge tshul gyis bdag la kyal ka byas zhes smras na ni/ 'phags pa la skur pa 'debs pas sems can dmyal bar ltung ste/ sdug bsngal
186b5 mang po myong bar 'gyur gyis/ mi slu bar drang por smra'o snyam du bsams nas/ bdag gcig pu khang pa bsrung zhing mchis pa las/ dge tshul de slob dpon gyi bsod snyoms len du 'ongs nas/ bdag gi 'dod chags kyi mes tshig pas dge tshul btegs te/ tshul
186b6 khrims bsrungs pa zhig pas/ sems 'gyur du ma btub ste/ dge tshul des thabs byas nas/ khang ba'i nang du zhugs te tshe 'phos par gyur to/ /bdag gi lus btsog pa 'dis snod yongs su dag pa ma rungs par byas pa'i steng du kha na ma tho ba'i nyes pa bgyis
186b7 pas bdag mi dga'o/ /de skad ces smras pa/ bu mo'i pha mas thos nas ngo mtshar du gyur to/ /de ci'i phyir zhe na/ kun nas nyon mongs pa'i chos nyid kyis de dang 'dra bar rtogs pa'i phyir ro/ /bu mo la smras pa/ chos thams cad ni mi rtag pa yin gyis/ mya ngan ma byed cig
iiif viewer powered by OpenSeadragon
Texts on this page
D341 - mdzangs blun zhes bya ba'i mdo