rKTs

e-texts navigator

Volume

Page

181a₁ gru yang shin tu mgyogs par chu srin gyis za 'dod pa'i khar song ngo / /tshong pa rnams skad chen po phyung ste ngus nas gcig la gcig 'di skad ces smras so/ /bdag cag ni gdon mi za bar 'chi bar 'gyur gyi so so nas ji ltar brten pa dran par gyis shig ces smras pa dang / de
181a₂ dag la las ni sangs rgyas dang / chos dang / dge 'dun gyi mtshan nas brjod/ kha cig gis ni 'jig rten gyi lha dang / ri gtsang po dang / lha ma yin dang / pha ma dang / chung ma dang / bu dang / bu mo dang / phu nu dang / gnyen po'i ming bos nas bdag cag gis ni deng mthong ba
181a₃ tha ma 'di las 'dzam bu'i gling gtan du mi mthong ngo zhes smras so/ /de'i tshe de dag chu srin gyi khar song la khad pa dang / thams cad kyis dus gcig tu sangs rgyas la phyag 'tshal lo zhes brjod pa dang / chu srin gyis sangs rgyas la phyag 'tshal lo zhes brjod pa'i sgra thos ma thag tu kha
181a₄ btsums te/ chu 'bab pa yang chad par gyur nas/ tshong pa de dag shi ba las sos par gyur to/ /chu srin de ltogs nas de nyid du tshe 'phos te/ rgyal po'i khab tu srin bu zhig tu skyes te/ chu srin gyi ro rgya mtsho'i ngogs su phyir byung nas/ nyi mas gdungs/ char
181a₅ pas brlan nas/ sha zad par gyur pa'i rus pa de ni ri 'di yin no/ /dpal skyes 'di ltar rig par gyis shig /de'i tshe de'i dus na/ rgyal po chos kyi 'phags pa ni khyod yin no/ /mi bsad pa'i rkyen gyis rgya mtsho chen por chu srin du skyes so/ /khyod kyi da yang
181a₆ phyir mi'i lus thob pa 'dis/ 'khor ba la rgyab kyis ma phyogs na/ 'di nas tshe 'phos ma thag tu/ sems can dmyal bar 'gro ste thar bar shin tu dka'o/ /dge slong dpal skyes des bdag gi lus rnying pa yang mthong / de skad ces bstan pa yang thos nas/
181a₇ 'khor bas shin tu skrag ste/ gang la nan tan byed byed pa'i chos de la mthar gyis yid la byas nas/ sems rtse gcig pa la gnas te/ lus rnying pa mthong bas mi rtag pa'i chos khong du chud de/ 'khor ba la rgyab kyis phyogs par rtogs nas/ kun nas nyon

_{iiif viewer powered by OpenSeadragon}

180b - 181b

Texts on this page