| e-texts navigator |
| བོད་ཡིག |
180a1 mdas btsugs nas lus gcig tu 'bar ba de su lags/ maud gal gyis smras pa/ mi zhig gis rngon pa byed cing mang du bsad pas sdug bsngal 'di lta bu nyams su myong bar gyur te/ de nas tshe 'phos nas sems can dmyal ba chen por skyes te/ de las thar ba'i
180a2 dus ni shin tu dka'o/ /dge slong gis yang gsol pa/ ri chen po la ral gri dang mtshon khar rgyugs te mchi ba de su lags/ maud gal gyis smras pa/ rgyal po'i blon po shin tu dpa' ba yin te re zhig mtshon rnon po dang ral gri dang mdung dang / shag ti'i khar rgyugs te/ de
180a3 nas tshe 'phos nas sems can dmyal ba chen por sdug bsngal yun ring por myong bar 'gyur ro/ /dge slong des yang gsol pa/ rus pa'i ri chen po de su'i lags/ maud gal gyis smras pa/ khyod shes par 'dod na de ni khyod kyi lus snga ma'i rus pa yin no/ /dge slong gis de skad
180a4 ces thos nas shin tu skrag ste/ ba spu kun langs nas rngul yang byung ste/ slob dpon la smras pa/ bdag gi snying ma gas par sngon gyi las kyi rgyu dang rkyen bstan du gsol/ maud gal gyis smras pa/ skye shi 'khor ba'i mtha' dang mu med de/ dge sdig las kyang zhig cing med
180a5 par mi 'gyur bas/ las ci dang ci byas pa'i rnam par smin pa yang de dang de dag gdon mi za bar myong bar 'gyur ro/ /sngon 'das pa'i dus na 'dzam bu'i gling 'dir rgyal po chos kyi 'phags pa zhes bya ba zhig yod de/ sbyin pa dang / tshul khrims la dga' ba/ chos nyan par
180a6 mos pa/ shin tu snying rje ba'i sems dang ldan pa/ rang bzhin gyis mi gtum pa/ sems can gyi srog mi gcod pa dang / rgyal po'i mtshan dang ldan pa dam pa'i chos kyi srid 'tsho ba/ lo nyi shu tsam lon pa dang / de la re zhig gi skabs su mi dang mig rtse ba las/
180a7 mi zhig la nyes pa chen po byung nas blon po rnams kyis mi zhig khrims las 'gal ba'i nyes pa chen po bgyis na/ ci ltar bgyi zhes gsol pa dang / rgyal po mig la yengs pas/ rgyal pos khrims bzhin du gyis shig ces bsgo nas/ blon po rnams kyis khrims dang
iiif viewer powered by OpenSeadragon
Texts on this page
D341 - mdzangs blun zhes bya ba'i mdo