rKTs

e-texts navigator

Volume

Page

179a₁ bskul ma btab pa dang / de khros nas bdag dkon mchog gsum dang / dge ba'i ming yang mi thos pa zhig tu song na ci ma rung zhes smras na/ tshe 'phos ma thag tu dud 'gro'i skye gnas su skye'o/ /de la gang lha dang mi'i rgyur gyur pa'i dge ba'i phyogs la brtson pa de ni nad
179a₂ kyis kyang shin tu gdung bar mi 'gyur te/ tshe'i dus byas pa na sems kyang mi 'khrugs kyi nad g.yog dang bshes gnyen dag gis 'chi bar rtogs nas/ khyod dam pa'i chos thos par 'dod dam/ sku gzugs mthong bar 'dod dam/ dge slong dag las mdo sde'am/ tshigs
179a₃ su bcad pa dag mnyan par 'dod dam/ khyod tshul khrims nod par dga' 'am/ sangs rgyas dang dge 'dun la longs spyod 'bul bar dad dam zhes bskul na/ de dag kun la dad ces zer na/ gzhan yang sangs rgyas kyi sku gzugs la yon phul na 'tshang rgya bar 'gyur ro/ /
179a₄ chos la mchod cing longs spyod phul na gang nas gang du skyes pa'i gnas thams cad du shes pa dang ldan te/ chos kyi mtshan nyid khong du chud cing rtogs par 'gyur ro/ /dge 'dun la longs spyod kyi sbyin pa byas na/ gang nas gang du skyes kyang rin po che dang longs spyod chen po yid
179a₅ bzhin du ldan par 'gyur ro zhes nad pa la gtam byas nas/ nad pa rab tu dga' mgu rangs te/ bdag skye ba thams cad du dkon mchog gsum dang phrad cing chos thos pa dang / thos nas kyang khong du chud cing rtogs par gyur cig ces smon lam btab na/ tshe'i dus byed de mi'i
179a₆ nang du skye'o/ /gang zhig lhar skye ba'i rgyur 'gyur ba'i dge ba'i phyogs rgya che bar bskyed pa sbyin pa dang / tshul khrims rnam par dag pa/ chos nyan par dga' ba/ dge ba bcu la spyod pa'i gang zag de ni tshe'i dus byas pa na bde bar nyal bzhin du sangs rgyas kyi sku gzugs
179a₇ dang / lha'i pho brang dang / lha'i bu mo dag mthong zhing lha'i rol mo dag thos te/ mdangs kyang shin tu bzang ba dang / lag pa gyen du 'degs pa dang / de'i tshe'i dus byas nas lha'i gnas su skye'o/ /khyim bdag sar phag gi chung ma de rang gi lus la chags pas/ de'i tshe'i dus

_{iiif viewer powered by OpenSeadragon}

178b - 179b

Texts on this page