| e-texts navigator |
| བོད་ཡིག |
178b1 dge 'dun gyi gnas khang bshig gam/ chos 'chad pa'i 'dun khang bshig gam/ dgun grang ba'i dus na pha rol po'i gos phrogs sam/ mthu yod pas lhags pa'i nang du bran pho'am/ bran mo'am mi gzhan gyi gos phrogs te chu blugs sam/ gzhan gyi gos bshus shing
178b2 phrogs na kha na ma tho ba'i sdig pa 'dis chab brom gyi sems can dmyal bar lhung ste/ mi de tsha ba'i nad kyis gzir bas rtag tu bsil zhing grang ba'i gnas sems te/ grang bar 'dod pas tshe'i dus byas ma thag tu sems can dmyal ba der skyes te/ ud pa la dang /
178b3 pad ma dang / ku mu da dang / pun da rI ka'i sems can dmyal ba yang de dang 'dra'o/ /grang ba'i sems can dmyal ba na sdug bsngal myong ba na lus kyi sha kham tshad du yos rngo ba ltar/ chad cing gas nas mgo dang rus pa yang dum bu brgya stong du chad cing gas par 'gyur
178b4 ro/ /sems can gang ser sna byed cing gzhan gyi 'tsho ba bcad de ltogs su bor ba dang / kha zas dus bzhin du mi ster na kyi khams su lhung ste/ mi de kha zas mi chud cing skyug bro ba'i nad kyis btab nas/ nad g.yog gam bshes gnyen dag gis kha
178b5 zas rnam pa mang po sbyar te/ 'di ni mngar ro/ /'di ni skyur ro/ /'di ni bsod pa'o/ /'di ni 'ju sla'o/ /zhes nan tan gyis bstan na/ nad pa de skyug bro ste bdag kha zas 'di mig gis mi mthong ba'i dus yod dam snyam bsams pa de'i tshe'i dus byas ma thag tu su
178b6 lhung ngo / /sems can gang glen pa gti mug can/ dkon mchog gsum la ma dad pa/ 'phags pa la skur pa 'debs pa ni/ dud 'gro'i skye gnas su skye ste/ de yang nad kyis gzir ba na 'gus te/ nyal mi shes te 'phral du nyal mi shes la dge ba'i phyogs gtam snyan mi
178b7 'dod na/ nad g.yog gis kyang gdon mi za bar tshe 'phos par shes pas na/ nad g.yog gis khyod chos nyon cig /tshul khrims kyang nos shig /sku gzugs dang dge 'dun dag kyang mthong bar byas la de la sbyin pa yang byos shig ces bskul na/ de la ma dad mi dga' ste nan gyis
iiif viewer powered by OpenSeadragon
Texts on this page
D341 - mdzangs blun zhes bya ba'i mdo