rKTs

e-texts navigator

Volume

Page

175a₁ sgo'i them pa la 'dug nas skad chen po phyung ste smre sngags 'don cing 'dug go/ /bdag thog ma skyes nas nyes pa chen po ni ma byas na/ ci'i phyir bdag rab tu byung bar mi gnang / u pA li lta bu 'breg mkhan las byung ba lta bu phyag dar ba ngan skyugs 'dor ba dang /
175a₂ sor 'phreng can lta bu mi grangs med par bsad pa dang / a si ka lta bu mi rgod ma rungs pa de dag la sogs pa yang rab tu byung na/ bdag la nyes pa ci zhig yod de rab tu byung du ma gnang zhes smras pa dang / bcom ldan 'das de'i drung du gshegs te/ sku mngon par bstan na 'od zer
175a₃ gyis lhang nge lham mer gsal te/ mtshan dang dpe byad kyis brgyan nas brgya byin lha'i dbang po'i rin po che sna bdun gyi rgyal mtshan ltar mngon du gshegs te/ khyim bdag dpal skyes la khyod ci'i phyir ngu zhes bka' stsal to/ /de'i tshe na khyim bdag des sangs rgyas kyi gsung tshangs
175a₄ pa'i dbyangs lta bu thos nas/ rab tu dga' mgu rangs pa ni/ bus ma mthong ba tsam du dga' ste/ lus smad lnga sa la gtugs nas/ sangs rgyas la phyag 'tshal te 'di skad ces gsol to/ /sems can gyi nang na mi gsod pa dang / mi rgod bgyid pa dang / du smra ba dang /
175a₅ skur klang 'debs pa'i ma rabs kyang rab tu byung na/ bdag 'ba' zhig dngos sdig ci mchis na/ sangs rgyas kyi bstan pa la rab tu byung bar ma gnang / bdag gi khyim gang gi mi yang rgas 'khogs pas skyo bar gyur te dgos pa med do zhes mchi bas gal te/ sangs rgyas
175a₆ kyi bstan la rab tu byung ba ma gnang na/ slar khyim du mchis kyang gdon mi 'tshal bar bdag khyim du 'jug tu mi ster bas gang du yang mchi ba'i gnas ma mchis te/ deng 'di nyid du nges par srog dang bral bar 'gyur ro/ /de nas bcom ldan 'das kyis khyim bdag dpal skyes la
175a₇ bka' stsal pa/ nam mkha' la lag pa bteg pa la 'di ni rab tu 'byung ngo / /'di ni rab tu mi 'byung ngo zhes nges par su zhig smra/ khyim bdag gis gsol pa/ bcom ldan 'das chos kyi 'khor los sgyur ba'i rgyal po'i 'khor mkhas pa'i mchog /sangs rgyas kyi 'og tu

_{iiif viewer powered by OpenSeadragon}

174b - 175b

Texts on this page