| e-texts navigator |
| བོད་ཡིག |
171b1 ma zad kyis/ sngon 'das pa'i dus na yang nga la sdig pa'i sems bskyed nas nga bsad par gyur to/ /kun dga' bos bcom ldan 'das la gsol pa/ 'das pa'i dus na lha sbyin gyis ci ltar bgyis pa bstan du gsol/ bcom ldan 'das kyis bka' stsal pa/
171b2 sngon 'das pa'i bskal pa grangs med dpag tu med pa'i pha rol na/ 'dzam bu'i gling 'dir yul bA rA Na sI zhes bya ba na/ rgyal po tshangs sbyin zhes bya ba khro zhing gtum la snying rje med de/ 'dod chags dang zhe sdang che ba/ sdig pa'i las kyis gtses shing gsod pa'i las la
171b3 dga' ba zhig byung ngo / /de'i tshe rgyal po'i rmi lam du gcan gzan gyi lus spu gser ltar 'dug pa/ spu'i thog ma la gser lta bu'i 'od 'byung zhing g.yas g.yon thams cad gser gyi mdog tu snang bar byed pa'i gcan gzan gcig cig rmis nas/ de ma thag tu sad de 'di snyam du 'di
171b4 ltar bdag gis rmi lam du mthong ba 'di ni gdon mi za bar yod kyis/ rngon pa dag de'i pags pa tshol du gzhug go snyam du bsams nas/ rngon pa rnams bsdus te 'di skad ces bsgo'o/ /kho bo'i rmi lam du gcan gzan gser gyi mdog can spu'i thog ma la gser gyi mdog lta bu 'byung
171b5 ba cig rmis te/ 'di lta bu zhig yul 'di na yod par nges kyis khyod rnams kyis kun du tshol la/ de'i pags pa bshus te nga la phul cig dang / khyod kyi bu tsha rabs bdun tshun cad du skyid cing bde bar bya'o/ /gal te snying nas ma btsal lam le lo zhig byas te/ ma rnyed na khyed rnams rtsa rgyud
171b6 tshun cad med par bya'o zhes bsgo'o/ /de nas rngon pa de dag shin tu mi dga' ste/ dben pa'i phyogs zhig tu thams cad 'dus nas 'di skad ces bgros so/ /rgyal pos rmis pa'i gcan gzan de ni gna' nas ma mthong ste/ gal te bdag cag gis ma rnyed na/ rgyal po'i bka'
171b7 khrims gnyan pas bdag cag gsod par 'gyur ro zhes bgros nas/ lhag par mi dga' ba'i sems skyes te yang 'di skad ces smras so/ /shing khung 'di dag na sbrul gdug pa dang gcan gzan ma rungs pa mang bas/ lam ring por 'gro zhing srog mi phangs par don bsgrub du ni srog
iiif viewer powered by OpenSeadragon
Texts on this page
D341 - mdzangs blun zhes bya ba'i mdo