rKTs

e-texts navigator

Volume

Page

169a₁ mdza' ste/ rgyal bu'i ming sdong dum zhes bya ba yang ming rjes nas rgyal bu su lan shan zhes ming btags so/ /de nas dus gzhan zhig na rgyal bu des 'di snyam du bsams so/ /da ni dmag dang chas te pho brang zhig bya'o snyam du bsams nas/ gang nas gzhi yangs shing
169a₂ mnyam pa zhig tu song ste/ 'dir pho brang gyis ces bsgo ba dang / klu'i rgyal po bzhi zhig mir sprul nas 'dir pho brang mdzad na ci las mdzad ces dris na/ rgyal bu su lan shan gyis smras pa/ sa las bya'o zhes bsgo ba dang / klu'i rgyal po bzhis ci'i phyir rin po che las mi mdzad ces smras so/ /
169a₃ rgyal pos smras pa/ pho brang chen po zhig bya dgos na rin po che de snyed cig ga las rnyed ces smras pa dang / klu'i rgyal pos bdag cag gis 'bul lo zhes smras nas de'i ngos bzhir chu mig re re sprul te 'di skad ces smras so/ /shar phyogs logs kyi chu mig las bcus te byas na thams cad
169a₄ bai dUr+yar 'gyur ro/ /lho phyogs logs kyi chu mig las bcus te byas na thams cad gser du 'gyur ro/ /nub phyogs logs kyi chu mig las bcus te byas na/ thams cad dngul du 'gyur ro/ /byang phyogs ngos kyi chu mig las bcus te byas na thams cad shel du 'gyur ro/ /
169a₅ zhes smras so/ /rgyal bus kyang de dag gis smras pa bzhin du chu mig las bcus nas de bzhin du gyur to/ /de nas pho brang gi ra ba kho ra khor yug dpag tshad bzhi brgya pa cig byas nas de'i nang du pho brang dpag tshad bzhi bcu pa zhig byas te/ lam gyi srang na khang bu brtsegs pa dang
169a₆ skyed shing dang khrus kyi rdzing bu yang rin po che sna bzhi las byas so/ /bzang khyad lha'i pho brang dang 'dra bar byas so/ /zin ma thag tu rin po che sna bdun yang yod par gyur te/ gling bzhi la dbang byed cing dge ba rgyas par byas so/ /rgyal po chen po de'i tshe de'i dus na/ rgyal po
169a₇ ma ha sha ku la ni da ltar nga'i yab rgyal po zas gtsang ma yin no/ /de'i tshe de'i dus na btsun mo de ni da ltar nga'i yum lha mdzes ma yin no/ /rgyal bu mi sdug pa sdong dum ni da ltar nga yin no/ /de'i chung ma de ni skye dgu'i bdag mo yin no/ /de'i chung ma de'i pha de ni 'od srung yin no/ /

_{iiif viewer powered by OpenSeadragon}

168b - 169b

Texts on this page