rKTs

e-texts navigator

Volume

Page

166b₁ 'dod nas srog 'dor ba 'di 'ba' zhig tu ma zad de/ sngon 'das pa'i dus na yang nga dang 'gran par 'dod pa las/ lus dang srog gi bar du yang bral lo/ /de nas rgyal po gzugs can snying pos/ pus mo gnyis sa la btsugs nas/ bcom ldan 'das
166b₂ la 'di skad ces gsol to/ /sngon 'das pa'i dus na/ bcom ldan 'das kyis ston pa drug dang 'gran pa bdag cag la bstan du gsol/ bcom ldan 'das kyis rgyal po la bka' stsal pa/ rgyal po chen po rtag par yid la zung shig dang / sngon 'das
166b₃ pa'i dus na/ bskal pa tshad med grangs med pa 'das pa'i pha rol na/ 'dzam bu'i gling 'dir rgyal po ma ha sha ku li zhes bya ba rgyal phran lnga brgya la dbang byed pa zhig byung ste/ rgyal po de la btsun mo lnga brgya yod kyang / khye'u rigs 'tshob pa gcig kyang med pas
166b₄ rgyal po des 'di snyam du sems so/ /nga ni rgas 'khogs te bu gcig tsam yang rigs 'tshob pa med na/ gal te nga 'das pa'i 'og tu rgyal phran rnams gcig la gcig mi nyan cing dmag 'dren te/ sems can rnams kyang ma nyes par 'chi la/ srid kyang 'khrugs
166b₅ par 'gyur ro/ /snyam bsams nas/ mya ngan gyis yid gdungs te sems khongs su chud do/ /de'i tshe brgya byin lha'i dbang pos rgyang ma nas rgyal po de mi dga' zhing / sems khongs su chud pa mthong nas/ nam mkha' las babs te/ sman pa zhig
166b₆ tu sprul nas/ rgyal po de'i gan du song ste/ rgyal po khyod ni ci'i phyir 'di ltar yi mug cing mi dga' zhes dris pa dang / rgyal pos kyang snga ma bzhin gtam byas so/ /sprul pa'i sman pas rgyal po la smras pa/ rgyal po khyod mya ngan ma byed cig /bdag ni
166b₇ khyod kyi phyir gangs kyi rir song nas/ gangs kyi ri'i sman rnam pa mang po btus te/ btsun mo dag zar bcug na zos ma thag tu btsun mo dag kun sems can dang ldan par 'gyur bar bgyi'o/ /rgyal pos de skad ces smras pa thos nas tshig 'di ni bdag gi mya ngan

_{iiif viewer powered by OpenSeadragon}

166a - 167a

Texts on this page