rKTs

e-texts navigator

Volume

Page

165a₁ gyur te/ de tshun cad btsun mo yang yid gzhungs shing mkhas pa dang / mnyen zhing des pas 'gro ba mang po yang dge ba la 'god par mos pa dang / phyis zla ba tshang ba dang / bu khye'u zhig btsas te/ byad gzugs legs pa blta na sdug pa/ phal las 'phags
165a₂ par bzang ba/ ba spu'i bu ga kun nas 'od 'byung ba zhig btsas te/ rgyal po yang bu de la shin tu sdug par sems pas skyo mi shes pa tsam du rtog ste/ mtshan mkhan la bstan nas/ mtshan mkhan gyis kyang mtshan bzang ngan brtags na/ khye'u 'di ni shin tu ngo mtshar che'o/ /
165a₃ zhes dga' ba skyes nas khye'u 'di'i mtshan dang sbyar na gling bzhi la dbang bar 'gyur ro/ /zhes rgyal po la smras pa dang / rgyal po yang rab tu dga' nas mtshan mkhan la khye'u'i ming thogs shig ces smras pa dang / mtshan mkhan gyis rgyal po la khye'u 'di ma'i rum du zhugs nas/
165a₄ ngo mtshar che ba'i ltas ci byung zhes dris pa dang / khye'u'i mas lhag par yid gzhungs shing des pa dang / dge bar 'god pa la dga' bar gyur to zhes smras nas/ mtshan mkhan gyis khye'u'i ming shes rab 'od ces btags te/ rgyal tshab du dbang bskur nas mkhas pa'i blo dang ldan te gzhan
165a₅ pas 'phags par gyur to/ /de nas dus phyis zhig na rgyal po chen po tshe 'phos nas/ blon po rnams kyis rgyal bu de rgyal por dbang bskur bar gsol pa dang / rgyal bus blon po rnams la ngas ni rgyal po mi nus so zhes bsgo'o/ /blon po rnams kyis gsol pa/ da rgyal po
165a₆ chen po nongs te rgyal bu ma lags pa rgyal po gzhan 'ga' yang med do/ /da rgyal bus rgyal po mi mdzad na su zhig rgyal por gzhug ces gsol pa dang / rgyal bus smras pa/ 'jig rten 'di dag ni mi rigs pa'i sdig pa'i chos byed do/ /bsad pa dang / chad pas bcad pa'i
165a₇ las byas na/ kho bo la kha na ma tho ba'i las mi chung ste/ gal te khyed yul mi thams cad kyis dge ba bcu'i las byed nus na/ kho bo yang rgyal po byed nus so zhes bsgo'o/ /blon po rnams kyis gsol pa/ 'di ni legs te rgyal sar gshegs te dbang mdzod cig dang /

_{iiif viewer powered by OpenSeadragon}

164b - 165b

Texts on this page