rKTs

e-texts navigator

Volume

Page

164a₁ la gnas pa dang / 'bras bu thob pa dang / lha dang mir skye ba yang grangs med do/ /de'i phyi nyin rgyal po u dra ya nas sangs rgyas spyan drangs te/ bcom ldan 'das la rgyal po u dra ya nas me tog gis gtor ba dang / gtor ba'i me tog rnams de ma thag tu rin po
164a₂ che'i shing rta stong nyis brgya lnga bcus stong gsum gyi stong chen po'i 'jig rten gyi khams kun tu snang zhing / thams cad kyis mthong bar byas so/ /de la bcom ldan 'das kyis ci rigs par nad pa la sman btang ba bzhin du dam pa'i chos bstan pas/ kha cig ni bla na med pa'i byang chub
164a₃ tu sems bskyed de/ phyir mi ldog pa'i sa la gnas pa dang / lha dang mir skye ba yang grangs med do/ /de'i phyi nyin rgyal po gzugs can snying pos sangs rgyas spyan drangs te/ bcom ldan 'das kyis rgyal po de la sngar 'di skad ces bka' stsal to/ /rgyal po zhal zas kyi
164a₄ snod sbyor cig / gdugs tshod kyi dus la bab na/ snod kun zhal zas ro brgya dang ldan par rnam pa sna tshogs rang gang ste/ 'khor mang po thams cad la chog par gyur te/ de dag zos nas lus sems rab tu bde bar gyur to/ /de nas bcom ldan 'das kyis phyag sa la brdabs
164a₅ pa dang / sems can dmyal ba brgyad dag na/ sems can tshad med pa sdug bsngal myong bar mthong ba dang / de dag so so nas 'di skad ces smras so/ /bdag cag gis sngon sdig pa ci lta bu zhig byas pas/ sdug bsngal 'di lta bu myong bar gyur to zhes smras te/ 'khor
164a₆ mang po thams cad kyis thos shing mthong bar byas nas/ thams cad snying brtse ba'i sems skyes te/ dngangs nas ba spu langs pa tsam du skrag par gyur te/ de la bcom ldan 'das kyis ci rigs su chos bstan te/ de dag gi sems tshim par gyur nas/ la la ni bla na med pa'i byang chub
164a₇ tu sems bskyed do/ /la la ni phyir mi ldog pa'i sa la gnas te/ lha dang mir skye ba'i dge ba'i rtsa ba bskyed pa yang grangs med do/ /sems can dmyal ba de dag gis sangs rgyas mthong zhing chos thos pa'i rkyen gyis shin tu dad pa'i sems skyes te/ de dag tshe'i dus byas nas

_{iiif viewer powered by OpenSeadragon}

163b - 164b

Texts on this page