rKTs

e-texts navigator

Volume

Page

162b₁ gis bcom ldan 'das la dam pa'i chos nyan pas/ khong du chud cing rtogs nas sangs rgyas su smon lam 'debs pa dang / 'bras bu thob pa dang / mtho ris kyi lhar skye bar smon pa yang grangs med do/ /de'i phyi nyin shAkya'i rigs rnams kyis sangs rgyas spyan drangs nas/
162b₂ bcom ldan 'das kyis de'i nyin par 'khor de dag thams cad so so nas/ 'khor los sgyur ba'i rgyal por bsgyur te/ rin po che sna bdun dang bu stong dang ldan par sprul nas/ rgyal phran dang / blon po rnams kyis bsti stang du byas par mthong ste/ so so nas ngo mtshar rmad du byung
162b₃ ba'i spro ba skyes nas/ spro ba de la bcom ldan 'das kyis chos rnam par phye zhing bstan pas/ so so'i yid tshim par gyur te/ bla na med pa'i byang chub tu sems bskyed pa dang / la las 'bras bu thob pa dang / lha dang mir skyes pa grangs med par gyur to/ /de'i phyi
162b₄ nyin brgya byin gyis sangs rgyas spyan drangs te/ seng ge'i khri bshams nas/ bcom ldan 'das de la bzhugs pa dang / brgya byin gyis g.yon nas mchod pa byed/ tshangs pa'i rgyal pos ni g.yas nas mchod pa byed do/ /'khor mang po rnams kyang cang mi smra bar 'khod pa la/
162b₅ bcom ldan 'das kyis phyag gis seng ge'i khri la mnan pa dang / seng ge'i khri las glang po che'i skad lta bu'i sgra chen po zhig byung ba dang / de ma thag tu srin po chen po lnga zhig byung nas/ ston pa drug gi khri drangs nas bshig go/ /phyag na rdo rje ni rdo rje'i rtse mo la me 'bar ba thogs
162b₆ te/ ston pa drug gi mgor gzas so/ /ston pa drug po 'jigs skrag nas byer zhing bros te skyengs nas/ kha cig ni chur mchongs nas tshe 'phos so/ /ston pa drug gi 'khor las stong phrag dgu bcu ni/ sangs rgyas la skyabs su gsol nas/ rab tu 'byung bar gsol pa
162b₇ dang / bcom ldan 'das kyis legs par 'ongs so/ /zhes bka' stsal pa dang / skra dang kha spu rang byi ste dge slong du gyur to/ /bcom ldan 'das kyis de dag la ci rigs par chos bstan pas zag pa kun zad de/ nyon mongs pa las rnam par grol nas dgra bcom par

_{iiif viewer powered by OpenSeadragon}

162a - 163a

Texts on this page