rKTs

e-texts navigator

Volume

Page

160b₁ rgyal po des de bzhin du gsol pa dang / nga nyid dus mkhyen to zhes bka' stsal to/ /de nas rgyal po des kyang yo byad sbyar te bshams pa las/ bcom ldan 'das dge slong gi dge 'dun dang bcas te yul ser skyar gshegs so/ /yul ser skya'i shAkya'i rigs rnams gcig gis gcig
160b₂ sbran nas/ thams cad 'dus te de bzhin gshegs pa bsu'o/ /yul bA rA Na sI'i mi rnams kyis kyang / de bzhin gshegs pa bzhud par gzod rtogs nas ston pa drug po yang rjes su song ngo / /rgyal po tshangs sbyin 'khor khri phrag brgyad cu dang / gzugs can snying po la sogs te
160b₃ rgyal po drug char yang 'khor dang bcas te/ bcom ldan 'das gang du gshegs pa'i rjes su dong ngo / /ston pa drug kyang der phyin pa dang / shAkya'i rigs rnams la dge sbyong gau ta ma dang / cho 'phrul 'gran par byas pa las nged kyi mthu che ba las byol lo zhes yengs ma gtam du byas
160b₄ so/ /de nas shAkya'i rigs rnams kyis de bzhin du bcom ldan 'das la gsol pa dang / bcom ldan 'das kyis nga nyid dus mkhyen to zhes bka' stsal to/ /de nas shAkya'i rigs rnams kyis kyang yo byad sbyar cing bshams pa dang / bcom ldan 'das dge slong gi dge 'dun dang
160b₅ bcas pa/ yul mnyan du yod par gshegs so/ /de'i tshe mnyan du yod pa'i rgyal po gsal rgyal yang 'khor dang bcas pas de bzhin gshegs pa bsu'o/ /shAkya'i rigs rnams kyang de bzhin gshegs pa bzhud par gzod rtogs te/ ston pa drug pos kyang rjes bzhin du
160b₆ bsnyags so/ /shAkya'i rigs rnams kyang 'khor khri phrag dgu dang rgyal po gzugs can snying po la sogs te/ rgyal po rnams dang / 'khor rnams kyis mnyan du yod pa'i ljongs yongs su gang ngo / /ston pa drug po yang der phyin nas/ rgyal po gsal rgyal la 'di skad du dge sbyong
160b₇ gau ta ma dang / bdag cag cho 'phrul 'gran par dus byas pa las dus la bab pa dang byol zhing 'bros te/ da ni 'khor mang po yang rgyal po'i yul du tshogs kyis/ rgyal po chen po bdag cag 'gran du chug cig ces gsol pa dang / rgyal po gsal rgyal gyis bgad de/ 'di skad du bcom

_{iiif viewer powered by OpenSeadragon}

160a - 161a

Texts on this page